پارلامەنت • 16 قاراشا، 2019

داريعا نازارباەۆا ارمەنيا رەسپۋبليكاسىنىڭ پرەزيدەنتىمەن كەزدەستى

13 رەتكورسەتىلدى

قازاقستان رەسپۋبليكاسى سەنات توراعاسى داريعا نازارباەۆا ارمەنياعا رەسمي ساپارى اياسىندا ارمەنيا رەسپۋبليكاسىنىڭ پرەزيدەنتى ارمەن ساركيسيانمەن كەزدەستى، دەپ حابارلايدى پارلامەنت سەناتىنىڭ ءباسپاسوز قىزمەتى.

اڭگىمە بارىسىندا ءتۋريزمدى، اقپاراتتىق تەحنولوگيالاردى، كولىك-لوگيستيكا الەۋەتى جانە باسقا دا سالالارداعى ىنتىماقتاستىق ماسەلەلەرى قوزعالدى.

سەنات توراعاسى ەاەو ەلدەرى كاسىپكەرلەرى مەن ينۆەستورلارىنىڭ قىتاي مەن وڭتۇستىك-شىعىس ازيا نارىعىنا اشىلاتىن مۇمكىندىكتەرىنە ەرەكشە نازار اۋدارا كەلىپ، ارميان كاسىپكەرلەرىن «استانا» حالىقارالىق قارجى ورتالىعى مەن IT-ستارتاپتاردىڭ «Astana Hub» حالىقارالىق تەحنوپاركىنىڭ جۇمىسىنا شاقىردى.

پرەزيدەنت ارمەن ساركيسيان ءوز كەزەگىندە سەنات توراعاسىنىڭ ەكى ەل كاسىپكەرلەرىنىڭ ءوزارا ءىس-قيمىلىن كەڭەيتۋ جونىندەگى ۇسىنىسىنا قولداۋ ءبىلدىردى جانە بۇگىنگى تاڭدا قازاقستان مەن ارمەنيا ىنتىماقتاستىق الەۋەتى تولىق كولەمدە پايدالانباي كەلە جاتقانىنا توقتالدى. پرەزيدەنتتىڭ ايتۋىنشا، كەم دەگەندە ارىپتەستىكتىڭ بىرنەشە باعىتىنا سەرپىن بەرۋگە مۇمكىندىك بار. ول تاماق قاۋىپسىزدىگىن (تاماق ونىمدەرىن وڭدەۋ جانە تاسىمالداۋ)، قارجىنى باسقارۋ جانە بىرلەسكەن مادەني شارالاردى قامتيدى.  

تاراپتار قازاقستان مەن ارمەنيا اراسىنداعى ىنتىماقتاستىقتىڭ كەلەشەگى زور باعىتتارى بويىنشا بىرلەسكەن جۇمىس توپتارىن قۇرۋعا ۋاعدالاستى.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار