ايماقتار • 14 قاراشا، 2019

«كومەكتەس» قورى زاعيپتار اراسىندا «مەنىڭ ەلىم» بايقاۋىن وتكىزدى

22 رەتكورسەتىلدى

زاعيپ جانە ناشار كورەتىندەرگە ارنالعان رەسپۋبليكالىق كىتاپحانادا «كومەكتەس» قورى جانە قازاقستان حالقى اسسامبلەياسىنىڭ ۇيىمداستىرۋىمەن ءارتۇرلى ۇلت وكىلدەرىنىڭ اراسىندا «مەنىڭ ەلىم»  7-ءشى قازاق اندەرىنىڭ بايقاۋى ءوتتى. «كومەكتەس» قورىنىڭ توراعاسى الەكساندر ساپەلكيننىڭ ايتۋىنشا، بايقاۋ ەل تاۋەلسىزدىگىنىڭ 28 جىلدىعى مەن ەلباسى جاريالاعان جاستار جىلىنا ورايلاستىرىلىپ وتىر.

بايقاۋ بارىسىندا الماتى، تاراز جانە ەسىك قالالارىنان كەلگەن 14 وقۋشى قازاق اۋەندەرىن شىرقادى. ن.وستروۆسكي اتىنداعى مەكتەپ وقۋشىسى داريا ۋمەروۆا، ەسىك مەكتەبىنەن باۋىرحان وڭعارباەۆ ءى ورىندى يەلەندى. قازىلار القاسىنىڭ ءتورايىمى، قازاقستان رەسپۋبليكاسىنىڭ حالىق ءارتىسى ايجان نۇرماعامبەتوۆا، داريا ۋمەروۆا مەن لاۋرا ابدىعۇلدى «باقىت دەگەن سەنىڭ بالا كۇندەرىڭ» اتتى رەسپۋبليكالىق تەلەۆيزيالىق مۋزىكالىق بالالار  فەستيۆالىنە كاستينگكە شاقىردى. ال ەرەسەك قاتىسۋشىلار اراسىندا  ءى ورىندى ايجان جولدىبەكوۆا جەڭىپ الدى. ودان كەيىنگى ورىندى چايكوۆسكي اتىنداعى مۋزىكالىق كوللەدج  تۇلەگى كريستينا جەلۋدكوۆا يەلەندى.

قازىلار القاسىنىڭ مۇشەسى، كومپوزيتور بەكبولات ورالبەكوۆ جاس ۆوكاليستەردىڭ جەتەكشىلەرىنە كەڭەستەر بەردى. 

بايقاۋعا «Pharm Express» جشس جانە «ستس ازيا گرۋپپ» جشس دەمەۋشىلىك جاسادى. «كومەكتەس» قورىنىڭ ماقتاۋ گراموتاسى مەن باعالى سىيلىقتارىن تۇراقتى دەمەۋشى، جاس بيزنەسمەن يگور گۋبارەۆتىڭ اناسى ليۋدميلا ۆالەنتينوۆنا تابىس ەتتى. باسقا قاتىسۋشىلار ىنتالاندىرۋ سىيلىقتارىمەن ماراپاتتالدى.

قازاقستان حالقى اسسامبلەياسى اتىنان كازبەك مامسۋروۆ يگور گۋبارەۆقا العىس حات تابىس ەتتى. بايقاۋدىڭ ماقساتى كوزى ناشار كورەتىن جانداردى پاتريوتتىققا تاربيەلەۋگە، قازاق ءتىلىن، قازاقتىڭ مۋزىكالىق مادەنيەتىن ۇيرەنۋگە ىقپال ەتۋ. كەلەسى جىلى «كومەكتەس» كوزى ناشار كورەتىن مۇگەدەكتەر قورى «مەنىڭ ەلىم» 8-ءشى بايقاۋى قارساڭىندا ءوز قىزمەتىنىڭ 25 جىلدىعىن اتاپ وتەدى.

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار