قازاقستان • 14 قاراشا، 2019

قازاقستان مەن ەۋرووداق اراسىنداعى ىنتىماقتاستىق جاڭا سەرپىن الۋدا

16 رەتكورسەتىلدى

قازاقستاننىڭ باسشىلىعى ەۋروپالىق وداقپەن ىنتىماقتاستىقتى ودان ءارى نىعايتۋعا نيەتتى. بۇل ىنتىماقتاستىق ەۋروپالىق كوميسسيانىڭ جاڭا قۇرامى وكىلەتتىك الىپ، سونداي-اق قازاقستان رەسپۋبليكاسى مەن ەو اراسىنداعى كەڭ اۋقىمدى كەلىسىمىنىڭ تولىق كۇشىنە ەنۋىمەن جاڭا ەلەۋلى سەرپىن الادى. بۇل تۋرالى قازاقستاننىڭ سىرتقى ىستەر ءمينيسترىنىڭ ورىنباسارى رومان ۆاسيلەنكو بريۋسسەلدەگى Euractiv مەديا اگەنتتىگىنىڭ الاڭىندا 13 قاراشادا وتكەن «قازاقستاننىڭ جاڭا باسشىلىعى:قازاقستان رەسپۋبليكاسى مەن ەو اراسىنداعى قارىم-قاتىناستارعا قانداي اسەر بولادى؟» اتتى دوڭگەلەك ۇستەل بارىسىندا باياندادى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

قازاقستاندىق ديپلوماتپەن بىرگە ءىس-شارا بارىسىندا سپيكەرلەر رەتىندە ەۋروپا پارلامەنتىنىڭ دەپۋتاتى اندريس امەريكس، ورتالىق ازيا ەلدەرىمەن قاتىناستار بويىنشا ەۋروپارلامەنت دەلەگاتسياسى باسشىسىنىڭ ورىنباسارى، «ەۋروپالىق كورشىلىك ساياساتى جونىندەگى كەڭەسى» عىلىمي-زەرتتەۋ ورتالىعىنىڭ باسقارۋشى ديرەكتورى سامۋەل ۆەستەرباي، ەۋروپالىق سىرتقى ءىس-ارەكەتتەر قىزمەتىنىڭ ورتالىق ازيا بويىنشا باسقارماسى باسشىسىنىڭ ورىنباسارى فيليپپ ۆان امەرسفورت، سونداي-اق ەۋروپالىق ساۋدا جونىندەگى كوميسسيانىڭ باس ديرەكتوراتىنىڭ قازاقستان بويىنشا ۇيلەستىرۋشىسى جوسەلين گيتتون ءسوز سويلەدى. «دوڭگەلەك ۇستەلگە» ەۋروكوميسسيا قىزمەتكەرلەرى، بريۋسسەلدەگى ەۋرووداققا مۇشە مەملەكەتتەردىڭ ديپلوماتيالىق ميسسيالارىنىڭ، ەۋروپالىق ساراپشىلار قوعامداستىعىنىڭ جانە باق وكىلدەرى قاتىستى.

ر.ۆاسيلەنكو اۋديتوريانى قاسىم-جومارت توقاەۆتىڭ پرەزيدەنت لاۋازىمىنداعى قىزمەتىنىڭ العاشقى قورىتىندىلارىمەن، سونداي-اق ونىڭ قازاقستان حالقىنا العاشقى جولداۋىنىڭ نەگىزگى ەرەجەلەرىمەن جانە پرەزيدەنتتىڭ ىشكى جانە سىرتقى ساياساتىنىڭ باسىمدىقتارىمەن تانىستىردى. ول 2019 جىل ورتالىق ازيا بويىنشا جاڭا ستراتەگيانى قابىلداۋ جانە 2015 جىلعى 21 جەلتوقساندا قول قويىلعان قازاقستان رەسپۋبليكاسى مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمىنىڭ (كاىك) راتيفيكاتسيالاۋ پروتسەدۋراسىنىڭ اياقتالۋى اياسىندا ەكىجاقتى قارىم-قاتىناستار تاريحىندا ماڭىزدى بولعانىن اتاپ ءوتتى. قازاقستان باسشىلىعىنىڭ ەۋروپالىق وداقپەن ىنتىماقتاستىقتى ودان ءارى نىعايتۋعا دەگەن ۇمتىلاسىن راستاي وتىرىپ، قازاقستاندىق ديپلومات ەۋروپالىق كوميسسيانىڭ جاڭا قۇرامى قىزمەتىنە كىرىسۋى مەن كاىك-ءتىڭ تولىق كۇشىنە ەنۋى ەو-نىڭ قازاقستانمەن قارىم-قاتىناستارىنا ايتارلىقتاي جاڭا سەرپىن بەرەتىنىنە سەنىم ءبىلدىردى.

ا.امەريكس قازاقستان ەو-نىڭ ساياسي جانە ەكونوميكالىق ىنتىماقتاستىق، سونداي-اق وڭىرلىك قاۋىپسىزدىك تۇرعىسىنداعى ورتالىق ازياداعى نەگىزگى سەرىكتەستەرىنىڭ ءبىرى بولىپ تابىلاتىنىن اتاپ ءوتتى.

ءوز كەزەگىندە، ف.امەرسفورت قازاقستان رەسپۋبليكاسىنداعى قۇقىق ۇستەمدىگىن نىعايتۋعا باعىتتالعان رەفورمالارى مەن جاقىندا قۇرىلعان ساۋدا-ەكونوميكالىق ىنتىماقتاستىقتى ارتتىرۋعا جانە ارتاراپتاندىرۋعا باعىتتالعان قازاقستاننىڭ پرەمەر-ءمينيسترى قاتىساتىن ەكونوميكالىق جانە ىسكەرلىك ماسەلەلەر بويىنشا قازاقستان رەسپۋبليكاسى-ەو ديالوگتىق پلاتفورماسىنىڭ جۇمىسىن قولدادى.

ج.گۋيتتون قازاقستان ەو-نىڭ ورتالىق ازيا ەلدەرى اراسىنداعى ەڭ ءىرى ساۋدا سەرىكتەسى بولىپ تابىلاتىنىنا نازار اۋداردى: ەو مەن ايماق اراسىنداعى ساۋدانىڭ 86%-ءى بىزدىڭ ەلگە تيەسىلى. ونىڭ ايتۋىنشا، ازيا مەن ەۋروپا اراسىندا ورنالاسقانىنا بايلانىستى، قازاقستاننىڭ ترانزيتتىك-كولىكتىك الەۋەتى  ەلدىڭ ەكونوميكالىق ءوسۋىنىڭ قۋاتتى درايۆەرى بولۋى مۇمكىن.

2019 جىلعى ماۋسىمدا قازاقستانداعى پرەزيدەنتتىك سايلاۋ وتكىزىلۋىنىڭ بايقاۋىنا قاتىسقان س.ۆەستەرباي ازاماتتىق قوعامىنىڭ ەلدىڭ قوعامدىق-ساياسي ءومىرىن جاڭعىرتۋ پروتسەسسىنە كەڭىنەن قاتىسۋدىڭ ماڭىزدىلىعىن اتاپ ءوتتى.

ءىس-شاراعا قاتىسۋشىلار كاىك-ءتىڭ تيىمدى ىسكە اسىرىلۋى قازاقستان مەن ەۋرووداق اراسىنداعى ەكونوميكالىق بايلانىستاردى كەڭەيتىپ، ساۋدا ءوسىمىنىڭ، ەۋروپالىق تەحنولوگيالار مەن ينۆەستيتسيالاردى تارتۋدىڭ جانە جاڭا جۇمىس ورىندارىن قۇرۋدىڭ كەپىلى بولادى دەگەن بىرىڭعاي پىكىر ءبىلدىردى.

 
سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار