ويىنداعى ەسەپتى ءبىرىنشى بولىپ قوناق كوماندا اشقانىمەن, ەلوردالىقتار بىردەن ماتچ تىزگىنىن ءوز قولدارىنا الدى. ناتيجەسىندە ءبىرىنشى كەزەڭىندە جەرلەستەرىمىز 28:17 ەسەبىمەن العا شىقتى. ەكىنشى كەزەڭدە «تسموكي-مينسك» ويىنشىلارى نامىسقا تىرىسىپ, تاراز باسىن وزدەرىنە قاراي اۋدارۋعا نيەتتى بولعان. بىراق «استانا» كومانداسى جيناقى ويىن كورسەتىپ, بۇل جولى دا 23:21 ەسەبىمەن باسىم ءتۇستى.
قالعان ەكى كەزەڭدە قوناق كوماندانىڭ مەرەيى ۇستەم بولادى. ءبىزدىڭ باسكەتبوشىلار شارشاپ قالدى ما, الدە ەكى كەزەڭنەن سوڭ جەڭىسكە جەتەتىنىنە سەنىمدى بولدى ما, ايتەۋىر ويىندارى باسەڭدەپ قالدى. «تسموكي-مينسك» ءۇشىنشى كەزەڭدە 23:29 ەسەبىمەن, شەشۋشى كەزەڭدە 17:22 ناتيجەسىمەن العا شىقتى. بىراق ءتورت كەزەڭنىڭ قورىتىندىسى بويىنشا, «استانا» 91-89 ەسەبىمەن جەڭىسكە جەتتى. ايتا كەتەيىك, ەلوردالىقتار وتكەن تۋردا رەسەيدىڭ «زەنيت» كومانداسىنان 109:108 ەسەبىمەن ايلاسىن اسىرعان بولاتىن.
