ايماقتار • 08 قاراشا، 2019

اتىراۋدا 32 كوپبالالى انا باسپانالى بولدى

133 رەتكورسەتىلدى

اتىراۋ وبلىسىنىڭ يندەر اۋدانىنىڭ ورتالىعى يندەربور كەنتىندە كوپبالالى 32 وتباسىعا «نۇرلى جەر» باعدارلاماسىن جۇزەگە اسىرۋ اياسىندا جاڭا باسپانا كىلتى تابىس ەتىلدى، دەپ حابارلادى اتىراۋ وبلىسىنىڭ وڭىرلىك كوممۋنيكاتسيالار قىزمەتى.

كەنتتەگى «بولاشاق» ىقشاماۋدانىندا جاڭادان بوي كوتەرگەن «ارۋ انا» تۇرعىن ءۇي الابىندا ۇلكەن قۋانىش. 32 كوپبالالى وتباسى جارىق تا جايلى جاڭا ءۇيدىڭ يەسى اتاندى. اۋدانى 110 شارشى مەتردى قۇرايتىن ۇيلەر بارلىق نەگىزگى قاجەتتىلىكتەرمەن قامتىلعان. باسپانالى بولعان 5 پەرزەنتتىڭ اناسى – ەلەنورا مۋحيتوۆا:- قۋانىپ تۇرمىن… باسپانا كەزەگىندە 6،5 جىلداي تۇردىم. وسى ۋاقىت ىشىندە انامنىڭ ۇيىندە دە تۇردىم، ءۇي جالداپ تا ءجۇردىم. بۇگىن، مىنە، باسپاناعا قول جەتكىزىپ، قۋانىشىم قوينىما سىيماي تۇر!،دەيدى. باتىر انالارعا پاتەر كىلتىن ءوز قولىمەن تابىس ەتكەن اۋدان اكىمى مەيىرىم قالاۋيدىڭ سوزىنە سۇيەنسەك، اۋداندا باسپانا كەزەگىندە تۇرعان 1218 يندەرلىك بار بولسا، سونىڭ 160-ى كوپبالالى وتباسى ساناتىنا جاتاتىندار ەكەن. وبلىس باسشىسى نۇرلان اسقار ۇلىنىڭ تىكەلەي قولداۋىمەن يندەر اۋدانىندا بۇرىن-سوڭدى بولماعان قارقىندى جۇمىستار اتقارىلىپ جاتىر. بۇل شارا دا سول جۇمىستاردىڭ جەمىسى. جىل اياعىنا دەيىن وسى ساناتتاعى وتباسىلارعا تاعى دا 21 ءۇي تابىستاعىمىز كەلىپ وتىر. ال، كەلەر جىلى وسى كوپبالالى وتباسىلارعا ارنالعان 80 پاتەرلىك كوپ قاباتتى تۇرعىن ءۇيدى پايدالانۋعا بەرەمىز دەپ وتىرمىز، دەدى اۋدان اكىمى. بۇدان بولەك، 2020 جىلى اۋدان ورتالىعىندا باسپانا قورى 48 پاتەرلىك 4 كوپقاباتتى ۇيمەن تولىقپاق. بۇل ۇيلەر دە كەزەكتە تۇرعان ازاماتتارعا تابىستالاتىن بولادى. وعان قوسا، بۇگىن «ارۋ انا» تۇرعىن ءۇي الابى جانىنان سالىنعان 80 ورىندىق مۋزىكالىق مەكتەپ پايدالانۋعا بەرىلدى. وندا تۇرعىن ءۇي الابىندا تۇراتىن 250-دەن استام بالادان بولەك، يندەربوردىڭ باسقا دا ونەرپاز جاستارى دومبىرا، بايان، فورتەپيانو، ۆوكال، حورەوگرافيا ۇيىرمەلەرىنە قاتىسا الاتىن بولادى.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار