«فرانتسيا - قازاقستاننىڭ ەۋروپاداعى نەگىزگى سەرىكتەستەرىنىڭ ءبىرى. ءبىزدىڭ ەلدەرىمىزدىڭ اراسىنداعى ينۆەستيتسيالىق جانە ساۋدا-ەكونوميكالىق ىنتىماقتاستىق بەلسەندى دامۋدا. فرانتسۋز كومپانيالارى ەنەرگەتيكا, اۋىل شارۋاشىلىعى, ماشينا جاساۋ جانە قازاقستان ەكونوميكاسىنىڭ باسقا دا سەكتورلارىندا كەڭىنەن تارتىلعان», — دەدى ا.مامين.
بيىل 9 ايدا قازاقستان مەن فرانتسيا اراسىنداعى تاۋار اينالىمى 6%-دان استامعا, $3,4 ملرد-قا دەيىن ءوستى. قازاقستان ەكونوميكاسىنا تىكەلەي فرانتسۋز ينۆەستيتسيالارىنىڭ اعىمى وسى جىلدىڭ ءبىرىنشى جارتىسىندا 24%-عا $537 ملن-عا دەيىن ارتتى.
قازاقستاندا ءتۇرلى سالالاردا فرانتسۋز كاپيتالىنىڭ قاتىسۋىمەن 230-عا جۋىق كاسىپورىن جۇمىس ىستەيدى, ونىڭ ىشىندە Total, Orano, Alstrom جانە باسقالارى ءتارىزدى ءىرى ترانسۇلتتىق كورپوراتسيالار بار. تاۋەلسىزدىك جىلدارى فرانتسيا كومپانيالارى قازاقستانعا $16,4 ملرد-تان استام ينۆەستيتسيا سالدى.
ۇكىمەت باسشىسى مەن فرانتسۋز كومپانياسىنىڭ وكىلدەرى ەكى ەلدىڭ بيزنەس قۇرىلىمدارى اراسىنداعى ءوزارا ءتيىمدى ىنتىماقتاستىقتى نىعايتۋ جانە قازاقستاندا بىرلەسكەن جاڭا ينۆەستيتسيالىق جوبالاردى ىسكە اسىرۋ ماسەلەلەرىن تالقىلادى.
كەزدەسۋگە سىرتقى ىستەر ءمينيسترى م. تىلەۋبەردى, ەنەرگەتيكا ءمينيسترى ق. بوزىمباەۆ, اۋىل شارۋاشىلىعى ءمينيسترى س. وماروۆ, ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنباەۆ, قارجى ۆيتسە-ءمينيسترى ر. بەكەتاەۆ قاتىستى.
