«مال كوبىنە جايىلىمدا قاراۋسىز قالعاندا ۇرلانادى. مال يەلەرى بىردەن پوليتسياعا حابارلاماي, العاشقى كۇندەرى وزدەرى ىزدەپ تاپپاق بولادى. بۇل ءتارتىپ ساقشىلارىنىڭ جۇمىسىن قيىنداتادى. مال ۇرلىعىن ء«ىزىن سۋىتپاي» اشۋ مۇمكىندىگىنەن ايىرادى», - دەيدى پد كريمينالدىق پوليتسيا باسقارماسىنىڭ باستىعى پەتر كليموۆ.
پوليتسيا قىزمەتكەرلەرىنىڭ ىزدەۋ شارالارىنىڭ ناتيجەسىندە اقجار اۋدانىندا قازان ايىندا ۇرلانعان 300 جىلقى تابىلىپ, يەلەرىنە قايتارىلعان. وسى اۋداننان ۇرلانعان تاعى دا 49 جىلقى ىزدەستىرىلۋدە, وسىعان قاراعاندا بۇل اۋداندا ۇيىمداسقان جىلقى ۇرلاۋشىلار توبى بار سياقتى. جامبىل اۋدانىندا دا باعىلماي, ەركىن جايىلىمدا جۇرگەن 46 تۇياق جىلقى جوعالعان.
بارىمتاشىلار كوبىنە قاراۋسىز جۇرگەن مالدى قۋىپ كەتەتىنى بەلگىلى بولىپ وتىر. ۇرلانعان بارلىق تۇياقتىڭ 18 عانا قورادان, ال قالعانى جايىلىمنان ۇرلانىپتى. وسىعان وراي, پوليتسەيلەر مال يەلەرىنەن مالدارىنا اباي بولۋعا, جەرگىلىكتى اكىمدىكتەر جانە باقتاشىلارمەن ءۇش جاقتى شارت جاساۋعا, سونىمەن قاتار تاڭبالاۋ مەن نومىرلەۋ سياقتى ءتيىمدى پروفيلاكتيكالىق شارالار قابىلداۋعا شاقىرادى. سونداي-اق مال قوراسىن تەحنيكالىق جاعىنان كۇشەيتىلۋىن قامتاماسىز ەتۋ قاجەت ەكەندىگى ەسكەرتىلگەن.
سونداي-اق سقو پوليتسەيلەرى «براكونەر» جەدەل شارالارىنىڭ بارىسىندا ءبىر ايدا عانا زاڭسىز جينالعان 5,5 توننا ارتەميا شاياندارىن تاركىلەدى. قازىر مەملەكەتكە كەلتىرىلگەن شىعىن كولەمى انىقتالۋدا. وسى وپەراتسيانىڭ بارىسىندا 18 قىلمىستىق ءىس قوزعالدى.
سولتۇستىك قازاقستان وبلىسى
