ء«الى توزباي كەلە جاتىر»
توي ءۇستى. زەينەت جاسىن القىمداپ قالعان ءبىر كىسى توردە وتىر. توسىندە ءبىر كىشكەنە مەدال جالت جۇلت ەتەدى. سول كوزىنە ءجيى تۇسكەسىن ءبىر جىگىت اعاسى ۇلكەن قوناقتان
-«اعا, توسىڭىزدەگى مەدال التىننان جاسالعان با, جارقىراۋى ەرەكشە ەكەن؟» دەپ سۇرايدى. سوندا ۇلكەن قوناق:
-«التىن بولماسا دا, التىن جالاتقان شىعار, وسىنى العانىما قىرىق جىل بولسا دا, ءالى توزباي كەلە جاتىر» دەپ سۇراق قويۋشىنىڭ اۋزىن جاپقان.
«قويا الماي ءجۇرمىن, داعدى بوپ كەتكەن عوي»
ايدابول مەن قايدابول دۇكەننىڭ الدىندا كەزدەسىپ قاپ, اڭگىمەنى "سوعىپ" وتىرادى. قايدابول ايدابولعا:
- وسى ەكەۋمىزدىڭ دوس بولعانىمىزعا قانشا بولدى؟
- ەندى بەس جاستان دوسپىز عوي.
- ءما, ۋاقىت دەگەن قالاي, ءا!. ەكەۋمىزدىڭ دوس بولعانىمىزعا وتىز بەس جىل بوپتى عوي...
- ءيا...
- ويپىرماي, سونىڭ جيىرما جىلىندا مەن ساعان ىلعي وتىرىك اڭگىمە ايتىپپىن عوي!
- بىلەم عوي.
- ە,ە, سوندا بىلسەڭ, ناندىڭ با؟
- ەندى دوس بولعاسىن, نانعان سياقتى ءتۇر كورسەتەتىنمىن. «وتىرىك ايتسا, وزىنە, شىن ايتسا دا, وزىنە» دەپ جۇرە بەردىم عوي.
- ە,ءپالى! شىن دوس دەپ سەنى ايت. دوس ەكەنىڭ دوسسىڭ عوي, ماعان ءبىر دۇرىس اقىل ايتشى, وسى وتىرىك ايتۋدى قالاي دوعارسام؟
- قويام دەسەڭ, قوياتىن شىعارسىڭ.
- ءاي, بىراق مەن ءوزىمدى بىلەم عوي. «وتىرىك ايتۋدى قويايىنشى» دەپ تالاي وقتالدىم, بىراق, قويا الماي ءجۇرمىن.
- نەگە؟
- «بۇگىن وتىرىك ايتپايمىن» دەپ ۇيدەن شىعام, بىراق, داعدى بولىپ كەتكەسىن, بولمايدى ەكەن» دەگەن سوندا قايدابول.
جۇمات انەس ۇلى
