كوللاجدى جاساعان قونىسباي شەجىمباي, «EQ»
دارىگەرلەر ناۋقاسقا وڭ جاق بالتىرىنداعى تىستەلگەن جارالارعا بايلانىستى شۇعىل كومەك كورسەتىپ, العاشقى حيرۋرگيالىق وڭدەۋ جۇرگىزدى. دارىگەرلەردىڭ ايتۋىنشا, قازىرگى تاڭدا ايەل مەن قۇرساقتاعى بالانىڭ جاعدايى كۇشەيتىلگەن مەديتسينالىق باقىلاۋدا.
«دارىگەرلىك تەكسەرۋ بارىسىندا وڭ جاق بالتىردىڭ ورتاڭعى ۇشتەن ءبىر بولىگىنىڭ ارتقى بەتىندە ۇزىندىعى 5 سانتيمەترگە دەيىن جەتەتىن تىستەلگەن جارالار انىقتالعان. پروفيلاكتيكالىق ماقساتتا قۇتىرۋعا قارسى ۆاكتسينا, سىرەسپەگە قارسى سارىسۋ جانە ادس-م ەكپەسى سالىندى», دەلىنگەن حابارلامادا.
مەديتسينالىق مەكەمە مالىمەتىنشە, ايەل مەن قۇرساقتاعى بالانىڭ جاعدايى تۇراقتى, ولار دارىگەرلەردىڭ باقىلاۋىنا الىنعان.
جانۋارلاردى قورعاۋ جانە قوعام قاۋىپسىزدىگى: قاڭعىباس يتتەردىڭ شابۋىلىنا قالاي توسقاۋىل قويامىز؟
ەسكە سالا كەتەيىك, بۇعان دەيىن دە ەلىمىزدىڭ بىرقاتار وڭىرىندە وسىنداي وقيعالار تىركەلگەن. سالدارىنان ءبىر جىلدىڭ ىشىندە 41 366 ادامدى يت قاۋىپ, 23 134 ادام بۇرالقى يتتەردىڭ شابۋىلىنان زارداپ شەككەن.
قازىرگى تاڭدا ماجىلىستە قاڭعىباس جانۋارلارعا قاتىستى زاڭ جوباسى قارالىپ جاتىر. زاڭ جوباسىن تانىستىرعان دەپۋتات ەدىل جاڭبىرشين قازاقستاندا بۇرالقى يتتەردى كەمىندە 5 كۇن ۇستاۋدى ۇسىندى.
نۇربولات امانبەك
