فوتو: اشىق دەرەككوز
بۇگىن «كاسپي يتبالىعى» مەملەكەتتىك تابيعي رەزەرۆاتى قىزمەتكەرلەرى جايىق – كاسپي وبلىسارالىق بالىق شارۋاشىلىعى باسسەيندىك ينسپەكتسياسى جانە تۇپقاراعان اۋدانىنىڭ جەرگىلىكتى اتقارۋشى ورگاندارىمەن بىرلەسىپ تەڭىز جاعالاۋىن مونيتورينگتەۋ بارىسىندا جاعاعا شىعىپ قالعان يتبالىق ولەكسەلەرىن انىقتاعان.
ساعات 11:00-دەگى جاعداي بويىنشا, باتىستان سوققان قاتتى جەلدىڭ اسەرىنەن جاعالاۋعا بارلىعى 97 ولەكسە شىعارىلعان.
قازىرگى ۋاقىتتا قولدانىستاعى ەرەجەلەرگە سايكەس ارنايى جۇمىس توبى قۇرىلىپ, وقيعا ورنىنا بىرقاتار مەكەمە وكىلدەرى جىبەرىلدى. ولاردىڭ قاتارىندا «كاسپي يتبالىعى» رەزەرۆاتى, بالىق شارۋاشىلىعى ينسپەكتسياسى, جەرگىلىكتى اكىمدىك, ىشكى ىستەر ءبولىمى, ەكولوگيا دەپارتامەنتى, ۆەتەريناريالىق باقىلاۋ جانە قاداعالاۋ قىزمەتى, گيدروبيولوگيا جانە ەكولوگيا ينستيتۋتى, كاسپي يتبالىعىن زەرتتەۋ جانە وڭالتۋ ورتالىعى, سونداي-اق «Qazaq balyk» رەسپۋبليكالىق قاۋىمداستىعى بار.
ماماندار ولەكسەلەردەن سىناما الىپ, جانۋارلاردىڭ قىرىلۋ سەبەپتەرىن انىقتاۋ جانە ولاردى جويۋ جۇمىستارىن ۇيىمداستىرىپ جاتىر.
گيدروبيولوگيا جانە ەكولوگيا ينستيتۋتىنىڭ مالىمەتىنشە, يتبالىقتاردىڭ ءولىمى شامامەن ءبىر اي بۇرىن بولعان, الايدا ولاردىڭ دەنەلەرى تەڭىزدەگى داۋىلدىڭ اسەرىنەن ەندى عانا جاعالاۋعا جەتكەن.
قازىرگى ۋاقىتتا جاعالاۋدى باقىلاۋ جۇمىستارى جالعاسىپ جاتىر. جاعداي تۇراقتى باقىلاۋعا الىنعان.
