بۇل بارشا قىزىلجارلىقتاردى ۇلكەن قۋانىشقا بولەدى. بىلتىر وسى ليگاداعى ويىندى 11 ورىندا اياقتاعان كوماندا ءۇشىن بۇل ۇلكەن تابىس. بۇگىن كومانداعا التىن مەدالدارىن تاپسىرۋعا ارنالعان سالتاناتتى شارا بولدى. ماراپاتتى وبلىس اكىمى قۇمار اقساقالوۆ, قازاقستان فۋتبول فەدەراتسياسىنىڭ كەڭەسشىسى سەيىلدا بايشاقوۆ جانە وبلىستىڭ قۇرمەتتى ازاماتى الەكساندر ليپوۆوي تاپسىردى. ءوزىنىڭ فۋتبوليستەردى, جاتتىقتىرۋشىلار شتابىن جانە جانكۇيەرلەردى قۇتتىقتاعان سوزىندە قۇمار اقساقالوۆ: «پرەمەر-ليگاعا ءوتۋ وڭاي, بىراق وندا تاباندى تىرەپ, جاقسى ويىن ورنەكتەرىن كورسەتۋ وڭاي ەمەس. ەلىمىزدىڭ ەڭ جاقسى كوماندالارىمەن ويناعاندا دا ءبىزدىڭ جانكۇيەرلەر ارمياسىن جەرگە قاراتپاڭىزدار», دەدى.
سونىمەن بىرگە اكىم قازىر وبلىستا جاسوسپىرىمدەر مەن بالالار فۋتبولىنىڭ دامىپ كەلە جاتقانىن تىلگە تيەك ەتتى. «الدىمىزداعى ەكى-ءۇش جىلدا ءبىز بارلىق اۋدان ورتالىقتارىندا دا ولاردىڭ فۋتبولدى دامىتۋىنا جاقسى جاعداي جاساپ, فۋتبول الاڭدارىن تۇرعىزامىز», دەدى اكىم.
سونىمەن سولتۇستىكتىڭ ءۇمىتى – «قىزىلجار» جوعارى ليگاعا جول تارتتى. ارينە, بۇل ونىڭ بولماعان جەرى ەمەس ەدى. كەزىندە, دالىرەك ايتساق, 1999 جانە 2000 جىلدارى ول پرەمەر-ليگادا ەكىنشى ورىن العان. ال 2001 جىلى ءۇشىنشى ورىنعا جىلجىعان. ودان كەيىنگى جىلدارى جولى بولا قويمادى. اقىرى ءبىرىنشى ليگاعا ءتۇسىپ قالعان ەدى. ەندى مىنە, قايتادان ءوليمپتىڭ شىڭىنا كوتەرىلىپ وتىر. بارلىق سولتۇستىكقازاقستاندىقتار ولارعا «جول بولسىن» ايتۋدا.
