پارلامەنت • 04 قاراشا، 2019

بيۋرو وتىرىسى ءوتتى

68 رەتكورسەتىلدى

جيىندا پارلامەنت سەناتىنىڭ 7 قاراشادا بولاتىن وتىرىسىنىڭ كۇن ءتارتىبى بەلگىلەندى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

پالاتا وتىرىسىندا «قازاقستان رەسپۋبليكاسى مەن ۋكراينا اراسىنداعى ەكستراديتسيالاۋ تۋرالى شارتتى راتيفيكاتسيالاۋ تۋرالى» «1994 جىلعى 15 ساۋىردەگى كەدەن ىستەرىندەگى ىنتىماقتاستىق جانە ءوزارا كومەك تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالادى.

بيۋرودا ءماجىلىس ماقۇلداعان زاڭ جوبالارى كوميتەتتەرگە ءبولىنىپ بەرىلدى.

«قازاقستان رەسپۋبليكاسى مەن موڭعوليا اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسى بويىنشا كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى باس كوميتەت بولىپ بەلگىلەندى.

«قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى اسكەري ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى حالىقارالىق قاتىناستار، قورعانىس جانە قاۋىپسىزدىك كوميتەتىنە بەرىلدى.

سەنات جوسپارىنا سايكەس 29 قاراشادا «قازاقستاننىڭ سۋ قاۋىپسىزدىگى: جاعدايى، پروبلەمالار جانە ۇسىنىستار» تاقىرىبى بويىنشا پارلامەنتتىك تىڭداۋ وتەتىن بولدى. پارلامەنتتىك تىڭداۋلاردى وتكىزۋ پارلامەنت سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنە جۇكتەلدى. بيۋرو مۇشەلەرى وسى ماسەلەگە بايلانىستى سۋ قاۋىپسىزدىگىن قامتاماسىز ەتۋدەگى اسا ماڭىزدى ماسەلەلەر بويىنشا ءوز پىكىرلەرىن ءبىلدىردى.

سەنات توراعاسى مەملەكەتتىك جانە جەكە مەنشىك سۋ قويمالارى ءۇشىن بىرىڭعاي تالاپتار مەن ستاندارتتار بولۋى ءتيىس ەكەنىن اتاپ ءوتتى. «جەكە مەنشىك سۋ قويمالارى مەملەكەتتىك سۋ قويماسى دەڭگەيىندە باقىلانۋى ءتيىس. ولارعا قويىلاتىن تالاپتار مەن ستاندارتتار قانداي، ولاردى مەملەكەتتىك ورگاندار ولاردى سوڭعى رەت قاشان تەكسەردى؟»، - دەدى د.نازارباەۆا. سەناتور مۇحتار قۇل-مۇحاممەد قىزىلاعاشتاعى قايعىلى وقيعانى مىسالعا كەلتىردى. وندا بوگەتتىڭ بۇزىلۋى سالدارىنان 45 ادام قازا تاپقان بولاتىن. «ونى جەكەشەلەندىرگەننەن كەيىن مەنشىك يەسى بىردە-ءبىر تيىن سالعان جوق. گيدروتەحنيكالىق جەكە قۇرىلىستاردىڭ يەلەرىنە ەشقانداي ستاندارتتار بەلگىلەنبەگەن»، - دەپ اتاپ ءوتتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى. داريعا نازارباەۆا وسىعان بايلانىستى سۋ قاۋىپسىزدىگىن قامتاماسىز ەتۋ سالاسىنداعى قازىرگى زاڭداردى، نورماتيۆتەردى جانە ستاندارتتاردى مۇقيات زەردەلەۋدى جانە ولاردى جەتىلدىرۋگە وراي ۇسىنىستار ازىرلەۋدى تاپسىردى.

بيۋرو وتىرىسىندا سونداي-اق سەنات كوميتەتتەرىندە قارالىپ جاتقان ۇشجىلدىق بيۋدجەت تە تالقىلاندى. داريعا نازارباەۆا ءسوز سوزىندە «بيۋدجەتتىڭ يگەرىلۋىنە قاتىستى ۇنەمى كوپ سىن ايتىلاتىنى بارشامىزعا ءمالىم. رەسپۋبليكالىق بيۋدجەتتىڭ دۇرىس قالىپتاسۋى مەن ورىندالۋىنا تەك قانا ۇكىمەت پەن اتقارۋشى ورگاندار ەمەس، دەپۋتاتتار دا جاۋاپتى دەپ ەسەپتەيمىن. ويتكەنى، بۇل زاڭدى قابىلدايتىن – پارلامەنت. سوندىقتان، بارلىق كوميتەتتەرگە وسى ماڭىزدى قۇجاتتى مەملەكەتتىك كوزقاراسپەن، مۇقيات، جان-جاقتى قاراۋدى تاپسىرامىن»، - دەدى داريعا نازارباەۆا.

سالالىق كوميتەتتىڭ توراعاسى ولگا پەرەپەچينا قازىر جۇمىس توپتارىندا ءۇش جىلدىق بيۋدجەتتى تالقىلاۋ ءوتىپ جاتقانىن ايتا كەلىپ، قارجى جانە بيۋدجەت كوميتەتىنىڭ كەڭەيتىلگەن وتىرىسى 21 قاراشادا بولاتىنىن جانە زاڭ جوباسى ودان كەيىن پالاتانىڭ قاراۋىنا بەرىلەتىنىن جەتكىزدى.

جوعارعى پالاتا توراعاسى سەنات ماتەريالدارى بويىنشا ۇزدىك جۋرناليستىك زەرتتەۋ كونكۋرسىنىڭ جانە ەكولوگيالىق جۋرناليستيكا كونكۋرسىنىڭ باستالعاندىعى تۋرالى بيۋرو مۇشەلەرىن حاباردار ەتتى.

«كونكۋرستاردىڭ ماقساتى – جۋرناليست ماماندىعى تۋرالى كەڭىنەن ناسيحاتتاۋ جانە بەدەلىن ارتتىرۋ، «جۋرناليستىك زەرتتەۋ» جانرىن دامىتۋ، سەناتتىڭ قىزمەتى تۋرالى حالىقتىڭ حاباردار بولۋ دەڭگەيىن ۇلعايتۋ، ەكولوگيا سالاسىنداعى زاڭنامانى جەتىلدىرۋ، جۋرناليستەردى كوتەرمەلەۋ»، - دەدى د.نازارباەۆا.

سوڭعى جاڭالىقتار

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ءونىم مەن ءوسىم ەسەلەندى

ايماقتار • بۇگىن، 07:18

تارتىمدىلىق تەرەڭدەي تۇسپەك

ايماقتار • بۇگىن، 07:16

ۇلكەن ءومىر جولىنىڭ كەزەڭدەرى

ەكونوميكا • بۇگىن، 07:13

شاردارا گەس-ءى تولىق جاڭعىرادى

ەكونوميكا • بۇگىن، 07:05

ناگرادالار تاپسىرىلدى

قوعام • بۇگىن، 06:57

قۇشاعى كەڭ، جۇرەگى جۇمساق

رۋحانيات • بۇگىن، 06:49

سالتاناتتى ءىس-شاراعا قاتىستى

پرەزيدەنت • بۇگىن، 06:37

ۇقساس جاڭالىقتار