ايماقتار • 04 قاراشا، 2019

«ۇلتتىق باسىلىم – ۇلتتىق ءتىل»

71 رەتكورسەتىلدى

ەلىمىزدەگى تاريحى تەرەڭنەن تامىر تارتاتىن ىرگەلى باسىلىمداردىڭ بىرەگەيى، قازاق ءباسپاسوزىنىڭ قارا شاڭىراعى – «Egemen Qazaqstan» گازەتىنىڭ 100 جىلدىق مەرەيتويى كەڭ كولەمدە اتالىپ ءوتىپ جاتقانى بەلگىلى. ەستەرىڭىزگە سالا كەتەيىك، گازەتىمىزدىڭ عاسىرلىق تويى جىل باسىندا، ناقتىراق ايتساق، اقپان ايىندا قاسيەتتى اباي ەلىنەن، الاشتىڭ رۋحاني استاناسى سەمەي شاھارىنان، ۇلىلار تۋعان توپىراققا، ۇلت قايراتكەرلەرىنىڭ ءىزى قالعان قاستەرلى ولكەگە تاعزىم ەتۋدەن باستالعان ەدى. ەكى كۇنگە سوزىلعان شارا اياسىندا الاش وردانىڭ استاناسى بولعان سەمەي قالاسىنداعى شاكارىم اتىنداعى مەملەكەتتىك ۋنيۆەرسيتەتىنىڭ اكىمشىلىك عيماراتىندا باسىلىمنىڭ 100 جىلدىعىنا وراي «WORLD OF EGEMEN KAZAKHSTAN» اقپاراتتىق-ينتەللەكتۋالدىق ونلاين بۇرىشى اشىلىپ، وقۋ ورنىنداعى «اكمە» حالىقارالىق كلۋبىنىڭ وتىرىسى «Egemen Qazaqstan» گازەتىنىڭ 100 جىلدىق مەرەيتويىنا ارنالعان-دى.

 

جاقىندا وسكەمەن قالاسىنداعى دراما تەاتر عيماراتىندا باس باسىلىمنىڭ 100 جىلدىعىنا وراي «ۇلتتىق باسىلىم – ۇلتتىق ءتىل» اتتى وبلىستىق بايقاۋ ءوتتى. وبلىستىق تىلدەردى دامىتۋ جونىندەگى باسقارمانىڭ ۇيىمداستىرۋىمەن وتكەن سايىسقا وڭىرىمىزدەگى بەس وقۋ ورنىنىڭ ستۋدەنتتەرى قاتىسىپ، «تانىستىرۋ»، «تاعىلىمدى تاريح»، «ەگەمەن قازاقستان بولاشاقتا»، «ۇلتتىق باسىلىم – ۇلتتىق ءتىل» كەزەڭدەرى بويىنشا باقتارىن سىنادى. ەرەكشە اتاپ وتەرلىگى، سەمەي مەديتسينا ۋنيۆەرسيتەتى مەن وسكەمەندەگى داۋلەت سەرىكباەۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ستۋدەنتتەرى ءبىرىنىڭ ماماندىعى دارىگەر، ەكىنشىسى ينجەنەرلەر بولسا دا، وزدەرىنىڭ شىعارماشىلىققا بەيىم، رۋحانياتتان حابارى مول ەكەندىگىن كورسەتىپ، گازەتكە قاتىستى سان الۋان سۇراقتارعا مۇدىرمەي جاۋاپ بەردى. بەس كوماندا اراسىندا وتكەن سايىستا ەلىمىزدىڭ 100 جىلدىق جىلناماسى – «Egemen Qazaqstan» گازەتىنىڭ ارعى-بەرگى تاريحى كەڭىنەن قامتىلىپ، باسىلىمدا ءار كەزەڭدە باسشىلىق جاساعان، قىزمەت ەتكەن مۇحتار اۋەزوۆ، جۇسىپبەك ايماۋىتوۆ، سماعۇل سادۋاقاسوۆ، بەيىمبەت مايلين، ساكەن سەيفۋللين، تۇرار رىسقۇلوۆ، عابيت مۇسىرەپوۆ، ءابىش كەكىلباەۆ، شەرحان مۇرتازا سىندى تۇلعالار تۋرالى دا تۇششىمدى ماعلۇماتتار بەرىلدى. سايىستىڭ «تاعىلىمدى تاريح» دەپ اتالاتىن ەكىنشى كەزەڭىندە كوماندا كوشباسشىلارىنا قويىلعان «گازەتتىڭ العاشقى اتاۋى قانداي؟»، «باسىلىم 1920 جىلى قانداي اتاۋمەن شىقتى؟»، «گازەت كىمنىڭ ۇسىنىسىمەن قازىرگى اتاۋىنا يە بولدى؟»، «رەداكتسيا قاي جىلى ەلورداعا قونىس اۋداردى؟»، «گازەتتىڭ قازىرگى باسشىسى كىم؟»، «گازەت قاي جىلدان باستاپ جاڭا ديزاينمەن شىعارىلا باستادى؟» دەگەن ساۋالدار ستۋدەنتتەردى عانا ەمەس، زالعا جينالعان كورەرمەندەردى دە قىزىقتىرىپ، تانىمدارىن، وي-ورىستەرىنىڭ كوكجيەگىن كەڭەيتە تۇسكەنى راس. بايقاۋدىڭ «ەگەمەن قازاقستان بولاشاقتا»، «ۇلتتىق باسىلىم – ۇلتتىق ءتىل» كەزەڭدەرىندە ستۋدەنتتەر باسىلىمنىڭ بولاشاعى جايىندا وي تولعادى، ىزگى تىلەكتەرىن جەتكىزدى.

سونىمەن، سايىس قورىتىندىسىندا:

«قازاعىم بۇلاي دەگەن: «اقىل جاستان»،

قىمبات ماعان سەنىڭ باعاڭ اسىل تاستان.

الدىڭدا باعىندىرار اسۋلار كوپ،

وركەندەي بەر، «Egemen Qazaqstan» دەپ جىر جولدارىمەن گازەتكە لەبىزىن ارناعان وسكەمەندەگى د.سەرىكباەۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ «كوك تۇرىك» كومانداسى العىس حاتپەن ماراپاتتالدى. سەمەي مەديتسينا ۋنيۆەرسيتەتىنىڭ «دوستار» كومانداسى 3 ورىندى يەلەندى. جۇلدەلى 2 ورىن سەمەيدەگى م.اۋەزوۆ اتىنداعى پەداگيكالىق كوللەدجدىڭ «رۋحانيات» كومانداسىنا بۇيىرسا، 1 ورىندى قازاقستان-امەريكا ەركىن ۋنيۆەرسيتەتىنىڭ «ۇشقىن» كومانداسى قانجىعاسىنا بايلادى. ال باس جۇلدەنى بارلىق كەزەڭدە بىلگىرلىك تانىتىپ قانا قويماي، زامانعا ساي كرەاتيۆتىلىگىن كورسەتىپ:

«Egemen Qazaqstan» – ەل گازەتى،

جازىلاتىن قوعامنىڭ ەڭ قاجەتى، – دەپ باسىلىمنىڭ ماقسات-مۇرات، باعىت-باعدارىن ولەڭگە ارقاۋ ەتكەن وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ جۋرناليستيكا ءبولىمىنىڭ «التاي اقپارات» كومانداسى جەڭىپ الدى. جەڭىمپازدار مەن جۇلدەگەرلەردىڭ بارلىعىنا باسقارما اتىنان باعالى سىيلىقتار تاپسىرىلدى. «بايقاۋدىڭ اتى ايتىپ تۇرعانداي، ۇلتتىق باسىلىم مەن ۇلتتىق ءتىل ەگىز ۇعىمدار. «Egemen Qazaqstan» گازەتى مەن انا ءتىلىمىز دە ەگىز ۇعىم دەسەك ارتىق ايتپاسپىز. باسىلىم ءتىل تازالىعىنا ءاردايىم ءمان بەرەدى. كوپ گازەتتەر وسى باسىلىمعا قاراپ بوي تۇزەيدى. گازەتتىڭ عاسىرلىق تاريحى – ۇلكەن، ماعىنالى، ءماندى تاريح. وبلىستاعى مەملەكەتتىك ءتىل ساياساتىن جۇزەگە اسىرىپ وتىرعان باسقارما بولعاندىقتان مەرەيلى داتانى ەسكەرۋسىز قالدىرۋدى ءجون كورمەدىك. شارانى جاستار جىلى اياسىندا ستۋدەنت جاستاردىڭ اراسىندا ۇيىمداستىرۋدى ۇيعاردىق»، دەدى سايىستىڭ جابىلۋ سالتاناتىندا ءسوز العان باسقارمانىڭ ءبولىم باسشىسى ساۋلە قاليعازينا.

 

وسكەمەن

 

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار