پەتروپاۆلدىق ءتارتىپ ساقشىلارى «تۇرعىندار بەلسەندىلىگى – قۇقىقتىق ءتارتىپتى ساقتاۋداعى ماڭىزدى فاكتور. سوندىقتان, پوليتسيا حالىقپەن قارىم-قاتىناس جاساۋدىڭ بارلىق تۇرلەرىن پايدالانۋعا تىرىسادى», دەپ سانايدى.
گەرمانيادا نەگە ءتارتىپ قاتتى ساقتالادى دەسەك, وعان بارلىق حالىق ارالاسىپ وتىرادى ەكەن. ەگەر ءبىر جۇرگىزۋشى جول ءتارتىبىن بۇزسا, ونى كورگەن تۇرعىن دەرەۋ پوليتسياعا حابارلايتىن كورىنەدى. سوندىقتان حالىق جاپپاي ءتارتىپ ساقتاۋعا جۇمىلدىرىلعان. قىزىلجارلىقتار دا سول ءادىستى دۇرىس كورىپ وتىر.
سولتۇستىك قازاقستان وبلىسىندا قىركۇيەكتىڭ 15-نەن بەرى «ۋچاسكە» جەدەل-پروفيلاكتيكالىق ءىس-شارالارى (جپش) وتكىزىلىپ كەلەدى. ونىڭ باستى ماقساتى وسى - حالىقپەن بايلانىستى نىعايتۋ. ء«جپىش-نىڭ ەكى اپتاسىندا ءبىزدىڭ قىزمەتكەرلەرىمىز قالاداعى 80 مىڭعا جۋىق پاتەر مەن 14 استام جەكە ۇيلەردىڭ جارتىسىن دەرلىك ارالاپ شىقتى», - دەيدى پەتروپاۆل جەرگىلىكتى پوليتسيا قىزمەتى ءبولىمىنىڭ باستىعى الىبەك عابدۋللين. ء «بىزدىڭ مىندەتىمىز - ءار ۇيدە بولۋ. قالامىزدىڭ كەز كەلگەن تۇرعىنى, ءوزىن الاڭداتقان ماسەلەسىمەن جۇگىنۋى ءۇشىن, ءوز ۋچاسكەلىك پوليتسيا ينسپەكتورىن, ونىڭ بايلانىس تەلەفونىن ءبىلۋى ءتيىس. پودەزدەرگە ينسپەكتورلاردىڭ سۋرەتى مەن بايلانىس تەلەفوندارى كورسەتىلگەن پاراقشالار جاپسىرىلۋدا. سونداي-اق بەلگىلى الەۋمەتتىك جەلىلەردەگى پوليتسيا دەپارتامەنتىنىڭ اككاۋنتتارىنا دا ۋچاسكەلىك پوليتسيا ينسپەكتورلارى جايلى اقپارات سالۋدى جوسپارلاپ وتىرمىز». ءوزىنىڭ جەكە ۆاتسابىن دا جاريالاۋ وسى ءىستىڭ ءبىر پاراسى ەكەندىگى دە ايتىلدى.
ايتا كەتەتىن بولساق, «ۋچاسكە» ءجپىش اياسىندا قوسىمشا ەسەپتەگى تۇلعالاردى تەكسەرۋ, رەيدتىك ءىس-شارالار وتكىزۋ جۇزەگە اسىرىلۋدا. ەكى رەيد بارىسىندا 38 ساياجاي قوعامى تەكسەرىلىپ, تۇراقتى مەكەنجايى جوق 302 كەزبە ۇستالعان. شاتىرلاردى, جەرتولەلەردى, قوقىس ورىندارىن, جىلۋ قۇبىرلارى بويىن تەكسەرۋ بارىسىندا وسىنداي تاعى 136 جان ۇستالىپ, قابىلداۋ-تاراتۋ ورنىنا جەتكىزىلىپتى. سونداي-اق 2 مىڭنان استام اكىمشىلىك قۇقىق بۇزۋشىلىق انىقتالعان. ونىڭ باسىم بولىگى سپيرتتىك ىشىمدىكتەن ماس بولىپ ءجۇرۋ نەمەسە قوعامدىق ورىنداردا ماساڭ كۇيدە بولۋ فاكتىسىنە تيەسىلى. سونداي-اق الكوگولدىك ونىمدەردى ساتۋ ەرەجەسىنىڭ بىرقاتار بۇزۋشىلىقتارى انىقتالىپ, ءىرى كولەمدە سپيرتتىك ونىمدەر الىندى. ماسەلەن, قالاداعى بازارلاردىڭ بىرىنەن زاڭسىز اينالىمنان 192 ليتر الكوگول, 1 مىڭ ليتردان استام سىرا الىندى.
«ۋچاسكە» ءجپىش وپەراتسياسى 10 جەلتوقسانعا دەيىن جالعاسادى, دەپ حابارلايدى ءىىد ءباسپاسوز قىزمەتى.
سولتۇستىك قازاقستان وبلىسى
