ەكونوميكا • 01 قاراشا، 2019

الەۋەتتى اۋەجايمەن ارىپتەستىك

74 رەت كورسەتىلدى

ماسكەۋ. دومودەدوۆو اۋەجايى. اق ۇلپاداي قالىقتاپ جۇمساق قونعان الىپ سامۇرىقتى اۋە تاسىمالى سالاسىندا قالىپتاسقان ءداستۇر بويىنشا قوس قاپتالدان شاشقان «سۋلى دوعامەن» قارسى الدى. سالتاناتتى ءساتتى قالىڭ ستوپەر قالت جىبەرمەي، جان-جاقتان تاسپاعا تارتىپ جاتىر. بۇل – جولاۋشىلار ءۇشىن وتە جايلى Airbus A321LR ۇشاعى. قازاقستاننىڭ ەڭ ءىرى اۋە تاسىمالداۋشىسى «ەير استانا» كومپانياسى اتالعان الىپ ۇشاقپەن دومودەدوۆو اۋەجايىنا العاشقى جولاۋشىلارىن جەتكىزدى.

ءبىز دە وسى اپتادا، ياعني 27 قازاندا «ەير استانا» كومپانياسىنىڭ قازاق­ستاننىڭ استاناسىنان دومودەدوۆو اۋەجايىنا العاشقى رەيسىن ورىنداۋىنا ارنالعان سالتاناتتى تۇساۋ­كەسەردىڭ ورتاسىنان تابىلعان ەدىك. نۇر-سۇلتاننان كەلگەن جولاۋشى­لاردى دومودەدوۆو اۋەجايى قازاق­تىڭ اسەم بەزەندىرىلگەن كيىز ۇيىمەن، ونىڭ الدىندا تۇرعان باتىر تۇلعالى باھادۇرلەرىمەن جانە ارۋ قىزدارمەن ۇلتتىق كۇيلەرىمىزدى ورىنداپ ۇلكەن قوشەمەتپەن قارسى الدى. وسىدان-اق ەكى ەل اراسىنداعى دوستىق راۋىش­تەگى بەرىك بايلانىستى، تۋريستىك باعدار­لاردىڭ تيىمدىلىگىن ارتتىرا تۇسۋگە دەگەن ىقىلاستى بايقايسىز.

«ەير استانا» پرەزيدەنتى پيتەر فوستەردىڭ ايتۋىنشا، دومودەدوۆو اۋەجايى – رەسەي استاناسىنداعى ۇز­دىك ينفراقۇرىلىمعا يە ءارى كولىك قاتىناسىنا وتە قولايلى تاماشا تەر­مينالداردىڭ ءبىرى. تاڭداۋدىڭ دومودەدوۆوعا ءتۇسۋى دە بەكەر ەمەس. بۇل «ەير استانا» ءۇشىن ستراتەگيالىق قادام بولىپ وتىر. ويتكەنى ءوزىمىز دە بايقاعانداي، دومودەدوۆو اۋەجايىن جايلاعان جاسىل جاپىراق ءتۇستى ۇشاقتار رەسەيلىك S7 اۋە كومپانياسىنا تيەسىلى. ولار وسى اۋەجايمەن كودشەرينگتىك كەلىسىمگە قول قويعان. ال رەسەيلىك كومپانيامەن قازاقستاندىق تاسىمالداۋشى ءوزارا ارىپتەس. بۇل دا اۋە كومپانيالارىنىڭ جولاۋشىلارى ءۇشىن ءتيىمدى بولماق. ويتكەنى «ەير استانانىڭ» 60-تان استام باعىتتارىن جانە S7-ءنىڭ 200-دەن استام ىشكى جانە حالىقارالىق باعىتتارىن قام­تي­تىن ارالاس باعىتتاعى جەلى بويىن­شا ساياحاتتاۋعا تىڭ مۇمكىندىك تۋ­دى. نەگىزىنەن، رەسەيلىك جولاۋشىلار قولايلى توعىسۋلار ارقىلى وڭ­­تۇس­­تىك-شىعىس ازيانىڭ تانىمال كۋ­رورت­­تارى مەن قالالارىنا دە­يىن جەتە الادى. سونداي-اق اۋە كولى­گىن پاي­­دا­­لانۋ­شىلارعا نۇر-سۇل­تان مەن ال­ماتى قالالارىندا «ستوپوۆەر» باع­دار­لاماسىن پايدالانا وتىرىپ، ساپار­لارىن قازاقستاندا جالعاستىرۋعا جول اشىلىپ وتىر. بىلتىر رەسەي باعىتتارىندا «ەير استانا» 590 مىڭنان استام جولاۋشىنى تاسىمالدادى، ولاردىڭ باسىم بولىگى ەكى ەلدىڭ استاناسى اراسىندا ساياحاتتاسا، «ستوپوۆەر» باعدارلاماسىن 17 مىڭنان استام ادام پايدالانعان ەكەن.

ايتا كەتەلىك، وسى ورايدا، ياعني 2019 جىلدىڭ 27 قازانىنان 31 جەل­توق­سانىنا دەيىن ماسكەۋگە ساياحاتتاۋشى العاشقى جولاۋشىلارعا «ەير استانا» اۋە كومپانياسى اۋە­جاي­دان ماسكەۋدىڭ ورتالىعىنداعى پاۆەلەتسكي ۆوكزالىنا دەيىن اەروەكس­پرەستە تەگىن جول ءجۇرۋدى ۇسىنا­دى. اتالعان ۇشقىر پويىز كولىك كەپ­تە­لىسىنەن ارىلمايتىن ماسكەۋدە اۋە­ج­ايعا تۇسكەن جولاۋشىلاردى جار­تى ساعاتتان استام ۋاقىتتا قالا ورتا­لىعىنا جەتكىزۋىمەن ەرەكشەلەنەدى.

«ەير استانا» قازاقستاننىڭ باس­تى قالالارىنان ماسكەۋگە ۇشۋ­لار­دى 2002 جىلدىڭ قىركۇيەگىندە باستاعانى بەلگىلى. قازىرگى ۋاقىتتا «نۇر-سۇلتان – ماسكەۋ – نۇر-سۇلتان» باعىتىندا اپتا سايىن 11 رەيس جانە «الماتى – ماسكەۋ – الماتى» باعى­تىن­دا اپتا سايىن 14 رەيستى ورىندايدى.

– ءبىزدىڭ رەيستەردى اۋىستىرۋ تۋرالى شەشىمىمىزدىڭ نەگىزگى سەبەبى، S7 كومپانياسىمەن كودشەرين­گ­­تىك كەلىسىمگە قول جەتكىزۋىمىز بولدى. بۇل كوم­پانيا الەمدە كوپتەگەن كود­شەرينگ­تىك كەلىسىمدەرگە قول قويعان. ءبىز ءۇشىن رەسەي فەدەراتسياسى قازاقستان نارىعىنان كەيىنگى ماڭىزدى سترا­تەگيالىق نارىق بولعاندىقتان، بۇل شەشىمنىڭ كومپانيامىزدىڭ دامۋى جولىنداعى ماڭىزى زور، – دەدى پيتەر فوستەر.

كومپانيا جەتەكشىسىنىڭ ايتۋىن­شا، بۇل قادام تۋرالى جوسپار العاش 2008 جىلى ويلاستىرىلسا، ونى 11 جىلدان كەيىن عانا جۇزەگە اسىرۋدىڭ مۇمكىندىگى تۋىپ وتىر. قازىرگى كەزدە قازاقستاندىق اۋە تاسىمالداۋ­شى قىزمەت كورسەتۋ جانە وپەراتسيا­لاردى ورىنداۋ بويىنشا دا وزىق كورسەت­كىشتەرگە يە. سوندىقتان سەرىكتەستەر دە كوبەيىپ كەلەدى.

دومودەدوۆو اۋەجايىنىڭ ديرەكتورى يگور بوريسوۆ ورتالىق ازيانىڭ بارلىق ەلدەرى ماسكەۋگە ۇشۋ ساپارلارىن وسى اۋەجاي ارقىلى ورىنداپ كەلە جاتقانىن جەتكىزدى. ونىڭ نەگىزگى سەبەبىن بارلىق ماسكەۋلىك اۋە­جايلاردىڭ ىشىندەگى ەڭ قىسقا باع­داردىڭ وسىندا بولۋىنا بايلانىستى دەپ تۇسىندىرگەن ول ۇشاقتان تۇسكەن جولاۋشىلاردى اۋەجاي جاڭارتىلعان ينفراقۇرىلىمعا يە تەرمينالىمەن قارسى الاتىنىن، سونىمەن بىرگە كولىك قولجەتىمدىلىگى ارتا تۇسكەنىن، كوپقاباتتى كولىك تۇراعى اشىلعانىن، جابىق كەشەننەن تۇراتىن تۇراقتىڭ تەرمينالعا قوسىلعانىن اتاپ ءوتتى.

وسى ارادا ايتا كەتەلىك، جاڭعىر­تىل­عان اۋەجاي ۆوكزالىندا كەدەن­دىك وداق ەلدەرىنىڭ ازاماتتارىنا ار­نال­عان جەكە قۇجات تەكسەرۋ ارناسى باقىلاۋ پروتسەسىن تەزدەتە تۇسەدى. سونى­مەن بىرگە جاڭا تەرمينالدىڭ ءبىر شاتىر استىندا ورنالاسۋى حالىق­ارالىق جانە ىشكى رەيستەردە جولاۋ­شىلاردىڭ اۋەجايدان شىقپاي-اق اۋىسىپ وتىرۋى­نا قولايلىلىعىمەن ەرەكشەلەنەدى. رەسەي استاناسىنىڭ وڭ­تۇس­تىگىندە ور­نالاسقان تەرمينال بىلتىر 29 ميل­ليوننان استام ادام­عا قىزمەت كور­سەتكەن ەكەن. سونداي-اق دومودەدوۆو الەم­نىڭ 202 باعىتىندا ۇشا­تىن 50 اۋە­­تاسى­مالداۋشى مۇشە بولىپ ەنگەن OneWorld جانە Star Alliance سياقتى جاھاندىق اليانستاردىڭ مۇشەسى.

 

سوڭعى جاڭالىقتار

ۇقساس جاڭالىقتار