ايماقتار • 01 قاراشا، 2019

ەستايدىڭ ەسكەرتكىشى

23 رەتكورسەتىلدى

وڭىرىمىزدە «حۇسني-قورلان» دەپ الەۋمەتكە «الەمدە جوق ءان سالدىرعان» ەستاي بەركىمباەۆتىڭ قۇرمەتىنە ارنالعان رۋحاني-مادەني شارالار جالعاسۋدا. جەرلەستەرىنىڭ وسى ءبىر دارا تۇلعاعا قۇرمەت، ءىلتيپات پەيىلدەرى ەرەكشە. ەسكەرتكىش ءمۇسىنتاس ورناتۋ «اقتوعاي» قوعامدىق قورى باستاماسىمەن قولعا الىنعان.

 

قولىندا دومبىراسى بار ءانشى­نىڭ تاس بەينەسى اۋدان ورتا­لى­عى – اق­توعاي اۋىلىنداعى بالالار ونەر مەكتەبىنىڭ الدىنان ورىن الدى. بۇل ساۋلەت تۋىن­دىسى مارقۇم، جەرگىلىكتى سۋرەتشى بوتا ماشراپوۆتىڭ ۇلگى-جوبا­سى نەگىزىندە جاسالعان.

– بالالار ونەر مەكتەبىنىنىڭ اۋلا­سىنان ورىن العان ءمۇسىنتاس-بۇگىنگى ۇرپاقتىڭ وتكە­نىن ءبىلىپ، ۇلى اتالارىنا تاع­زىم ەتۋى ماقساتىندا دۇنيەگە كەلدى. ەكىنشىدەن، قازاق انىنە، ونەر­گە ارنالعان ەسكەرتكىش، – دەيدى وبلىستىق مادەنيەت باس­قار­­ماسىنىڭ باسشىسى ەرنۇر داۋەنوۆ.

ايتۋىنشا، ونەر مەكتەبىنە ەستاي بەركىمباي ۇلىنىڭ ەسىمىن بەرۋ تۋرالى ۇسىنىس مادەنيەت مينيسترلىگىنە جىبەرىلگەن.

ەستايدىڭ تۋعان نەمەرەسى زەكەن جانابىلقىزى دا سالتاناتتى راسىمگە قاتىسىپ، الاشقا اتى بەلگىلى اتاسى جايلى ەستەلىك ايتتى.

– ءسىڭلىم زەينەش ەكەۋىمىز اتام مەن اجەمىزدىڭ تاربيەسىندە بول­دىق. وتە سابىرلى، كەربەز، سال­ماق­تى،پاراساتتى جان ەدى. ولەڭ جازاتىن جەكە ۇستەلى بولاتىن. جانىندا دومبىراسى سۇيەۋلى تۇرا­تىن. ولەڭ جازىپ بولعان سوڭ قولىنا بىردەن دومبىراسىن الىپ، اۋەنىن كەلتىرەتىن، – دەپ ەسكە الا­دى اجەي.

رۋحاني-مادەني شارا بارىسىندا ەستاي اندەرى شىرقالدى. اقتو­عايلىق ايتىسكەر اقىن بەي­سەن­بى مۇقاجان ۇلى ەستايدىڭ «ناز­قوڭىر» ءانىن ايتىپ، تىلەگىن ارنادى. ءانشىنىڭ «جايقوڭىر، «نازقوڭىر»، «مايدا قوڭىر»، «ساندۋعاش»، «يۋران-اي»، ء«بىر مىسقال»، «دۇنيە-اي»، «قوش­تا­سۋ»، اندەرى قازاق مۋزىكا­سىنىڭ التىن قورىندا ساقتال­عا­نىن ايتىپ ءوتتى.

ءمۇسىنتاستىڭ اشىلۋىنا اۋدان اكىمى قارشىعا ارىنوۆ باستاعان شىعارماشىل زيالى قاۋىم وكىل­دەرى، ەستايدىڭ ۇرپاقتارى، تۋىس­قان­دارى قاتىستى.

شارا بارىسىندا ەستاي اۋى­لىن­­داعى اقىننىڭ قابىرى باسىنا بارىپ قۇران باعىشتالىپ، اس بەرىلدى.

 

پاۆلودار وبلىسى،

اقتوعاي اۋدانى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار