بيىلعى جىلدىڭ 30 قازانىنداعى شۇعىل دەرەكتەر بويىنشا 89 ملن توننا كومىر ءوندىرىلدى, بۇل وتكەن جىلدىڭ سايكەس كەزەڭىمەن سالىستىرعاندا 98%-دى قۇرايدى.
وسى كەزەڭدە ەلدىڭ ىشكى نارىعىنا كومىردى جەتكىزۋ 61 ملن توننانى قۇرادى, ونىڭ ىشىندە:
- ەنەرگيا ءوندىرۋشى كاسىپورىندارعا 46,0 ملن توننا كومىر تيەلدى;
- ونەركاسىپ كاسىپورىندارىنا 5,6 ملن توننا كومىر تيەلدى;
- كوممۋنالدىق-تۇرمىستىق قاجەتتىلىكتەرگە جانە حالىققا 9,1 ملن توننا كومىر تيەلدى.
جىلىتۋ ماۋسىمىنىڭ باستالۋى الدىندا جەرگىلىكتى اتقارۋشى ورگاندار 2019-2020 جىلدارعا ارنالعان كوممۋنالدىق-تۇرمىستىق قاجەتتىلىكتەر مەن تۇرعىندار ءۇشىن كومىر ءونىمىنىڭ قاجەتتىلىگى جوسپارىن جاسادى. ەسەپ بويىنشا بيىل 10,5 ملن توننا كومىر تۇتىنۋ جوسپارلانعان. ونىڭ ىشىندە 2,7 ملن تونناسى - كوممۋنالدىق-تۇرمىستىق قاجەتتىلىكتەرگە, 7,7 — تۇرعىنداردىڭ تۇتىنۋىنا.
مينيسترلىك اپتا سايىن جوسپاردىڭ ورىندالۋى مەن كومىرمەن قامتىلۋعا مونيتورينگ جۇرگىزەدى.
30 قازانداعى جاعداي بويىنشا كوممۋنالدىق-تۇرمىستىق سەكتور جالپى جوسپارعا قاتىستى كومىر قورىمەن 92,2%-عا, تۇرعىندار - 76,1%-عا قامتاماسىز ەتىلگەن.
اقتوبە, جامبىل, شقو, بقو, قاراعاندى, قىزىلوردا, پاۆلودار وبلىستارىنىڭ, الماتى جانە شىمكەنت قالالارىنىڭ اكىمدىكتەرى كوممۋنالدىق-تۇرمىستىق سەكتور ءۇشىن كومىر جەتكىزۋدىڭ جىلدىق كەستەسىن تولىق قامتاماسىز ەتتى.
قانات بايىتوۆ اقمولا وبلىسىندا «يدەال-ترەيد» جشس ترەيدەرىنىڭ شۇباركول كومىرىن جەتكىزۋگە كەلىسىمشارتتى ورىنداماۋىنا قاتىستى جاعداي بويىنشا تۇسىنىك بەردى. ونىڭ ايتۋىنشا, ماسەلە شەشىلگەن, كومىر جوسپار بويىنشا ەكى اۋىسىمدى رەجيمدە تيەلۋدە. بيىل 25 قازان مەن 30 قازان ارالىعىندا «يدەال-ترەيد» جشس وتىنىمدەرى بويىنشا 14 ۆاگون نەمەسە 950 توننا كومىردىڭ اقتوبە وبلىسىنا تيەلۋى جۇزەگە اسىرىلدى.
سونىمەن قاتار, شۇباركول رازرەزىندە كومىردىڭ ءوز بەتىمەن اكەتۋگە وتكىزۋ قابىلەتىن ارتتىرۋ ماقساتىندا قوسىمشا تارازى ىسكە قوسىلدى, بۇل تۇرعىندار ءۇشىن تيەۋدى ارتتىرۋعا مۇمكىندىك بەردى.
«رازرەز بۇيىرىندە كومىردى ءوز بەتىمەن تاسىمالداۋ كەزەكتىلىك تارتىبىمەن جۇزەگە اسىرىلادى. اعىمداعى جىلعى 28 قازانداعى جاعداي بويىنشا كەزەك 50-60 جۇك ماشينالارىن قۇرايدى. بۇگىنگى كۇنى ءوز بەتىمەن تاسىمالداۋدىڭ جالپى كولەمى تاۋلىگىنە 3600 توننانى قۇرايدى», دەدى كوميتەت توراعاسى.
سونىمەن قاتار, ول تەمىرجول تاسىمالىمەن تيەۋ جەتكىزۋشىلەردىڭ وتىنىمدەرى بويىنشا جۇزەگە اسىرىلاتىنىن ايتتى.
قاراجىرا رازرەزىندە ءوز بەتىمەن تاسىمالداۋدا تيەۋ كولەمى تاۋلىگىنە شامامەن 1600 توناننى قۇرايدى. كومىردى ءوز بەتىمەن تاسىمالداۋعا كەزەكتە 30-35 جۇك ماشيناسى بار. سونىمەن قاتار, كومىر تيەۋدى ارتتىرۋ ءۇشىن «قاراجىرا» اق ونىمدىلىگى جوعارى جاڭا تەحنيكا ساتىپ الدى: ارقايسىنىڭ جۇك كوتەرگىشتىگى 220 توننانى قۇرايتىن 6 كارەر ساموسۆالىن, 2 ەكسكاۆاتور ء(شومىش كولەمى 23 م3), بۇل كومىر تيەۋ كولەمىن 8 ملن تونناعا دەيىن جەتكىزۋگە مۇمكىندىك بەردى.
«مايكوبەن-ۆەست» جشس-ىندا ءوز بەتىمەن تاسىمالداۋدا تيەۋ كولەمى تاۋلىگىنە 2500 توننانى قۇرايدى. كومىردى ءوز بەتىمەن تاسىمالداۋعا كەزەكتە 20-30 جۇك ماشيناسى بار. سونىمەن قاتار, تۇرعىنداردىڭ سۇرىپتى كومىر تيەۋىن ارتتىرۋ ءۇشىن «مايكوبەن-ۆەست» جشس يمپورتتىق كەن بايىتۋ جابدىعىن ساتىپ الدى.
«بوگاتىر» رازرەزىندە ءوز بەتىمەن تاسىمالداۋدا تيەۋ كولەمى تاۋلىگىنە 1500 توننانى قۇرايدى. كومىردى ءوز بەتىمەن تاسىمالداۋعا كەزەكتە 20-25 جۇك ماشيناسى بار. تەمىرجول تاسىمالى بويىنشا تيەۋ جەتكىزۋشىلەردىڭ وتىنىمدەرى بويىنشا جۇزەگە اسىرىلادى.
