ليۆانداعى قازاقستاندىقتاردىڭ بىتىمگەرشىلىك بازاسىنا «بۇۇ بولىمشەلەرى دايىندىعىن جالپى تەكسەرۋ» ينسپەكتسيالىق توبى باردى. ينسپەكتسيانىڭ باستى ماقساتى – قارۋ-جاراق پەن اسكەري تەحنيكانى, بايلانىس قۇرالدارىن, وپتيكالىق كوزدەگىشتى, روتانىڭ بارلىق م ۇلىكتەرىنىڭ دۇرىستىعىن تەكسەرۋ, سونىمەن قاتار سانيتاريالىق-گيگيەنالىق نورمانى ساقتاۋ.
تەكسەرىستىڭ ناتيجەسى بويىنشا بارلىق ۇندىلىك باتالوننىڭ ىشىنەن ەكىنشى جيىنتىق بىتىمگەرشىلىك روتاسىن جاقسى جاعىنان اتاپ ءوتتى.
ەكىنشى قازاقستاندىق بىتىمگەرشىلىك روتاسى ء«ۇندى باتالونىنىڭ قۇرامىندا قازاقستاندىق بىتىمگەرشىلىك كونتينگەنتىن ورىستەتۋ ءتارتىبى تۋرالى» قازاقستان مەن ءۇندىستان ۇكىمەتى اراسىنداعى ءوزارا تۇسىنىستىك تۋرالى كەلىسىمگە سايكەس «ليۆانداعى بۇۇ ۋاقىتشا كۇشتەرى» ميسسياسىنا قاتىسادى. ميسسيادا بولعان كەزەڭدە «كاسىبي بىتىمگەرشىلىك» مارتەبەسىن بەكىتتى.
«قازاقستاندىق اسكەري قىزمەتشىلەر وتە ەرجۇرەك. مەن بۇل ميسسيادا جۇرەگنىمە ءبىر جىل بولدى. ءبىرىنشى جانە ەكىنشى بىتىمگەرشىلىك روتاسىمەن تانىسىپ, بىرگە قىزمەت ەتكەنىمە قۋانىشتىمىن. ولاردىڭ كوزدەرىندە قورقىنىشتىڭ جوق ەكەنىن مەنى تاڭ قالدىرادى. ءبىرىنشى روتاتسيا ميسسيانى ورىنداۋعا كەلگەندە نە ەكەنىن بىلمەسەدە, بىردەن, بارلىق مىندەتتەرگە كىرىستى. جازعى كەزەڭدە قانداي جاعداي بولاتىنىن بىلمەسە دە, ولاردى ەكىنشى روتا الماستىردى. ەكىنشى روتانىڭ قىزمەتى كەزىندە يزرايل اسكەرى ليۆاننىڭ اۋماعىنا زىمىران سوققىسىن كەلتىرگەنى جانە ليۆاننىڭ بارلىق اۋماعىن باسىپ العان دەمونسترانتتاردىڭ جاپپاي نارازىلىق اكتىلەرى جايلى جاعداي بولعانى بارىنە بەلگىلى», – دەپ اتاپ ءوتتى يندونەزيا وكىلى.
«ليۆانداعى بۇۇ ۋاقىتشا كۇشتەرى» اسكەرلەر شتابىنان ينسپەكتسيالىق توپتى جەكە الىپ جۇرگەن, بۇۇ يندونەزيالىق اسكەري پوليتسياسى كونتينگەنتىنىڭ كومانديرى پولكوۆنيك سوني قازاقستاندىق بىتىمگەرلەر قىزمەت ەتىپ جۇرگەن بازانىڭ دەڭگەيىن اتاپ ءوتتى.
«مۇنداي قاۋىپتى ساتتەردە بۇۇ بارلىق قوزعالىستى شەكتەيدى, بارلىق پاترۋلدەر توقتاتىلادى. ءتىپتى بىتىمگەرشىلىك بازالارى دا سۋمەن دە, تاماقپەن دە, باسقا دا قاجەتتى زاتتارمەن جابدىقتالمايدى. مۇنداي جاعدايدا قازاقستاندىقتار ينسپەكتسيالىق توپتى جوعارى دەڭگەيدە قارسى الدى. وسىنداي جاعدايلاردا ءبارى دە وسىلاي وتكەرە المايتىندىعىن ەسكەرۋ كەرەك», – دەپ اتاپ ءوتتى ول.
