ايماقتار • 30 قازان، 2019

الماتىدا مۇناي سەرۆيس ماسەلەسىن تالقىلادى

42 رەتكورسەتىلدى

قازاقستانداعى مۇناي سەرۆيس سالاسىنداعى كومپانيالارىن قارجىلاندىرۋ ماسەلەلەرى كەشە الماتىدا دوڭگەلەك ۇستەل  باسىندا تالقىلاندى.   

ءىس-شارانى «Kazservice» قازاقستاندىق مۇناي سەرۆيس سالاسىنداعى كومپانيالار وداعى ۇيىمداستىردى. وداق توراعاسى راشيد جاقسىلىقوۆ مۇناي-گاز سالاسىندا قازاقستاندىق ۇلەستى ارتتىرۋ باعىتىندا عانا ەمەس، باسقارۋ مەنەدجمەنتىنە قازاق ماماندارىن تارتۋ ماسەلەسى دە كەشەۋىلدەپ جاتقانىن ايتتى.  راشيد جاقسىلىقوۆتىڭ تۇسىندىرىنشە، بۇل رەتتە شەتەلدىك كومپانيالاردى كىنالاۋدىڭ رەتى جوق ەكەن. ولاردىڭ تالابىنا سايكەس  مامانداردى دايىنداي الماي وتىرعان ءوزىمىز. «قازىر شەتەلدىك كومپانيالار مامانداردى ءوز قارجىسىمەن باتىس ەلدەرىنىڭ جوعارى وقۋ ورىندارىندا دايىنداپ ءجۇر. جاقىندا سونداي مامانداردىڭ ءبىرى شەتەلدىك مۇناي كومپانيالارىنىڭ بىرىندە جوبالاۋ باعىتىنداعى مەنەدجەر لاۋازىمىنا ءوستى. بۇل فاكتور ءبىزدىڭ قازاقستاندىق جوعارى وقۋ ورىندارىن ويلاندىرۋى ءتيىس»، دەيدى راشيد جاقسىلىقوۆ.

دوڭگەلەك ۇستەلگە ەنەرگەتيكا مينيسترلىگىنىڭ، ۇلتتىق بانكتىڭ، دامۋ ينستيتۋتتارىنىڭ وكىلدەرى، سونداي-اق جەتەكشى بانكتەردىڭ، حالىقارالىق ينۆەستيتسيالىق كومپانيالاردىڭ، قازاقستاننىڭ مۇناي-گاز وپەراتورلارى مەن مۇناي سەرۆيستىك كومپانيالارىنىڭ باسشىلارى قاتىستى.

بۇگىنگى تاڭدا North Caspian Operating Company N.V. (نكوك)، تەڭىزشەۆرويل (تشو) جانە قاراشىعاناق پەتروليۋم وپەرەيتينگ ب. ۆ. (كپو) ءتارىزدى ءىرى مۇناي-گاز وپەراتورلارى جالپى سوماسى 45 ملرد اقش دوللارىن قۇرايتىن ينۆەستيتسيالىق جوبالاردى ىسكە اسىرۋدا. بۇل وپەراتورلار نارىقتىڭ ءىرى تاپسىرىس بەرۋشىلەرى بولىپ تابىلادى (بارلىق ساتىپ الۋدىڭ 75%)، ال ولاردىڭ ساتىپ الۋ راسىمدەرى جابىق رەجيمدە وتەدى. وسى كومپانيالار بويىنشا مۇناي سەرۆيستىك قىزمەتتەرگە قازاقستاندىق بيزنەستى تارتۋ ۇلەسى 50% -دان از.

مۇناي سەرۆيسى قىزمەتتەرىنىڭ جىل سايىنعى اينالىمى بۇگىنگى كۇنى كەمىندە 7 ملرد اقش دوللارىن قۇرايدى، مۇنداعى وتاندىق بيزنەستىڭ ۇلەسى ورتا ەسەپپەن العاندا 50-60%. بۇگىندە مۇناي سەرۆيستىك كومپانيالار جەرگىلىكتى بيزنەستى نەسيەلەندىرۋ كەزىندە ەدب تاراپىنان جوعارى تالاپتار مەن كەپىلدىكتەردىڭ قويىلۋى، بانكتەردىڭ وتىمدىلىگىنىڭ جەتىسپەۋشىلىگى جانە وتاندىق بيزنەستىڭ وتىنىشتەرىن ۇزاق قاراستىرۋ ءتارىزدى پروبلەمالارمەن ءجيى كەزەسەدى.

سونداي-اق ەدب باسشىلارى كرەديت بەرۋ، قارجىلىق كەپىلدىكتەر الۋ بويىنشا قۇرالداردى ۇسىندى، ينۆەستيتسيالىق كومپانيالار قوسىمشا قاراجات تارتۋ جولدارى تۋرالى اڭگىمەلەدى، مۇناي سەرۆيستىك كومپانيالارى ءىرى مۇناي كومپانيالارىنىڭ تەندەرلەرىنە قاتىسۋ بارىسىندا ءجيى تاپ بولاتىن قارجىلىق قامتاماسىز ەتۋ بويىنشا پروبلەمالارى مەن ۇسىنىستارىن جينالعانداردىڭ نازارىنا ۇسىندى.

 

الماتى

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • بۇگىن، 12:08

جاقسى اۋدانىنداعى جاقسى ىستەر

ايماقتار • بۇگىن، 11:49

كوپبالالىلارعا كومەك

ايماقتار • بۇگىن، 11:41

كەن الىبىندا قايعىلى وقيعا بولدى

ايماقتار • بۇگىن، 10:58

كۇلكى كەرۋەنى № 22

رۋحانيات • بۇگىن، 09:45

فاريزا اقىننىڭ ۇستازى

رۋحانيات • بۇگىن، 07:41

ارمەنيامەن ىنتىماقتاستىق داميدى

پارلامەنت • بۇگىن، 07:37

جاستار سىيلىعى تاپسىرىلدى

قوعام • بۇگىن، 07:33

ءالديباستاۋ اۋليەسى

رۋحانيات • بۇگىن، 07:23

ءتاۋ ەتەر جالعىز كيەمىز

قوعام • بۇگىن، 07:18

كوزىن تاپقانعا كاسىپ كوپ

قوعام • بۇگىن، 07:13

بىرقاتار كەزدەسۋ وتكىزدى

پرەزيدەنت • بۇگىن، 07:04

ۇقساس جاڭالىقتار