بىرلەسكەن كوميسسيانىڭ وتىرىسى دوستىق, ىسكەر جانە كونسترۋكتيۆتى جاعدايدا ءوتتى.
كۇن تارتىبىندە قاراستىرىلعان ماسەلەلەرگە سايكەس ءوزارا ءتيىمدى ۋاعدالاستىقتارعا قول جەتكىزىلدى جانە بىرلەسكەن كوميسسيانىڭ 17-وتىرىسى حاتتاماسىنا قول قويىلدى.
ۆيتسە-مينيستر س. گروموۆ ءوز ءسوزىن ء«بىز ءوزارا قۇرمەت پەن تاتۋ كورشىلىك قاعيداتتارى نەگىزىندە جان-جاقتى ىنتىماقتاستىعىمىزدى تەرەڭدەتۋگە نيەتتىمىز. جاقىن ارادا كونسترۋكتيۆتى جانە تاتۋ كورشىلىك رۋحىن ساقتاي وتىرىپ, ەكى مەملەكەت ءۇشىن سۋ ءبولۋ جونىندەگى ماڭىزدى كەلىسىم بولادى دەپ ۇمىتتەنەمىن. بۇل قازاقستان رەسپۋبليكاسى مەن قحر اراسىنداعى ترانسشەكارالىق وزەندەردىڭ سۋ رەسۋرستارىن تەڭ قۇقىقتى پايدالانۋدى جانە قورعاۋدى قامتاماسىز ەتەدى», دەپ تۇيىندەدى.
تاراپتار بىرلەسكەن كوميسسيا جۇمىسى اياسىندا ءوزارا قۇرمەت پەن تاتۋ كورشىلىك قاعيداتتارىنا نەگىزدەلگەن جان-جاقتى ىنتىماقتاستىقتى تەرەڭدەتۋدى جالعاستىرۋعا كەلىستى.
