ايماقتار • 28 قازان، 2019

شىعىس جۇرتى شايىرىن ارداقتادى

63 رەتكورسەتىلدى

ال جازا بەر!

مەندە قانشا ءومىربايان بار دەيسىڭ،

ارمانى ولەڭ، سۇيگەنى كۇي مەن ءان دەيسىڭ.

ءوزىن ءوزى ورتەپ جۇرگەن جان دەيسىڭ،

جۇرەگى جومارت، نيەتى اپپاق تاڭ دەيسىڭ.

...قاعازدى جاي، قالامىڭدى ال قولىڭا،

انكەتانىڭ ءاربىر ءۇڭىل جولىنا،

ايتقانىمنىڭ ءبارىن تولتىر تورىڭا.

ادام دەپ جاز، انىقتاپ جاز ونى دا،

اقىن دەگەن ءسوزدى تىركە سوڭىنا.

جاقىندا وسكەمەندەگى پۋشكين اتىنداعى وبلىستىق كىتاپحانادا كەزىندە وسىلايشا جىر تولعاعان سىر­­شىل اقىن، حاميت بالشا­بە­كوۆتىڭ 80 جىلدىعىنا وراي «تاۋلار ۇيىقتامايدى» اتتى كىتابىنىڭ تۇساۋ­كەسەر ءراسىمى ءوتتى. سال­تاناتتى شارا بارىسىندا ءسوز العان قازاقستان جا­زۋ­شىلار وداعى وبلىستىق فيليا­لىنىڭ ديرەكتورى الىبەك قاڭتارباەۆ «شىعىستىڭ مۇقاعاليى» اتانعان، تار­باعاتايدىڭ تۋماسى حاميت اقىن­نىڭ شىعارماشىلىعىنا، تاعدىرىنا توق­تالىپ: «حاماڭنىڭ ومىر­دەن وتكەنىنە 12 جىل بولسا دا، جىرسۇيەر قاۋىمعا قالدىرعان مۇرالارى از ەمەس. اقىننىڭ كەشىن كىتاپحانانىڭ كىش­كەنتاي زالىندا ەمەس، وبلىستىق تەاتردىڭ ۇلكەن زالىندا وتكىزسەك تە ارتىق ەمەس ەدى. ويتكەنى بالشابەكوۆ وسىنداي قۇرمەتكە لايىق اقىن. مەن بىلەتىن ءبىر شىندىق بار. XX عاسىردىڭ ەكىنشى جارتىسىندا شىعىستا حاميتتان اسقان اقىن بولعان جوق. حاميت اعانىڭ ءبىر ەرەكشەلىگى، ونىڭ پوەزياسىندا سايا­سات جوق. حاميتتىڭ ولەڭدەرى تۇنىپ تۇرعان ليريكا» دەدى.

رەتى كەلگەندە ايتا كەتەيىك، اقىن­نىڭ «تاۋلار ۇيىقتامايدى» كىتابىنا عالىم ايجان قارتاەۆا رەداكتورلىق ەتسە، تۋىندىنىڭ جارىق كورۋىنە كۇي­­شى شالقار رىسقانوۆ ۇيىتقى بولىپتى. قايرات مالعاجداروۆ، زيادان بەكزادا ۇلى، ەرشىكەن ىدىرىشەۆ، داۋ­رەن مالعاجداروۆ سىندى ازاماتتار دەمەۋشىلىك جاساپتى.

 

وسكەمەن

 

سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار