ءبىز ولاردىڭ باسشىسى, اتالمىش ۇيىمنىڭ توراعاسى ولگا بەسەدينادان قىزىلجارعا كەلۋ سەبەبىن سۇراعانىمىزدا ول «وتباسىلىق وقۋ مەن تەاتر مەكتەبىن قالاي قۇرۋ» جوباسىن الىپ كەلگەندەرىن ايتتى. مۇندا ءبىز كورنەي چۋكوۆسكيدىڭ بالالارعا ارنالعان «قولتىراۋىن» دەگەن سپەكتاكلىن قوياتىن بولامىز. قويىلىمعا پەتروپاۆلدىق ونەرپازدار دا قاتىسادى. سونىمەن بىرگە وسىنداعى بىزبەن ءبىر باعىتتا جۇمىس ىستەيتىن ۇەۇ وكىلدەرىمەن جانە رەسەيدىڭ قورعان قالاسىنان كەلگەن ۇەۇ وكىلدەرىمەن دوڭگەلەك ۇستەل وتكىزىپ, تاجىريبەلەرىمىزبەن الماساتىن بولامىز. سونداي-اق باسقا دا جوبالارىمىزدى تانىستىرماق نيەتىمىز بار. سونىڭ ىشىندە «سوعىس جانە جەڭىس مەنىڭ وتباسىمنىڭ شەجىرەسىندە» دەگەن جوبامىزدى تانىستىرامىز. ءبىزدىڭ باستى مىندەتىمىز ءوزارا تانىستىقتى جالعاستىرىپ, دوستىقتى تەرەڭدەتۋگە باعىتتالعان», دەدى ول.
قوناقتار سالەحاردتان رەسەيدىڭ وبلىس ورتالىعى تۇمەن قالاسىنا دەيىن ۇشاقپەن, ودان بەرى جەتى ساعات بويى اۆتوبۋسپەن جول ءجۇرىپ كەلگەن ەكەن. بىزگە دەيىن بۇل ۇجىم وسىنداي ميسسيامەن قىرعىزستاندا دا بولىپتى. سالەحاردتان كەلگەن قوناقتاردى پەتروپاۆل قالاسى اكىمدىگىنىڭ وكىلدەرى قارسى الىپ, شارالارىنا قاتىستى.
ولگا بەسەدينا وزدەرىنىڭ ساپارىن تۇمەندەگى وبلىستىق سىرتقى قاتىناستار دەپارتامەنتى قولدايتىنىن جەتكىزدى. قازىر سالەحاردتا بەلشەدەن اق قار, قاتتى ايازدار تۇرعان كورىنەدى. «سول سۋىقتان ءبىز سىزدەرگە ىستىق سالەم اكەلدىك», دەدى دەلەگاتسيا باسشىسى.
قوناقتار قىزىلجاردان ەرتەڭ اتتانادى. قوعامدىڭ ۇيىمداردىڭ بەلسەندىلىگى كورشى مەملەكەتتە وسىنداي قولداۋلار تاۋىپ وتىرعان كورىنەدى.
