ايماقتار • 25 قازان، 2019

ءۇيى ورتەنگەن وتباسىعا كومەك كورسەتتى

303 رەتكورسەتىلدى

10 قازان كۇنى اياگوز قالاسىنداعى جەلتوقسان كوشەسى، 188 ۇيدە ءورت شىعىپ، ايجان تولتاەۆا 6 بالاسىمەن قيىن جاعدايعا تاپ بولعان ەدى. كوپ بالالى انا باسىنداعى وسى جاعدايدى اياگوز اۋدانىنىڭ اكىمى دىلدابەك ورازباەۆقا جەتكىزگەن سوڭ كومەك كورسەتۋ شارالارى شۇعىل تۇردە قولعا الىنىپتى. اۋدانداعى بارلىق مەكەمە قىزمەتكەرلەرى وزدەرىنىڭ ءبىر كۇندىك جالاقىلارىن «اياگوز بولاشاق» قورىنا اۋدارىپتى.

پاتەر

«اكىمدىك تاراپىنان مۇقتاج وتباسىنا كومەك كورسەتۋ ۇيىمداستىرىلىپ جاتقانىن ەستىپ، قاراپ قالا المادىم. «قارا دومالاق بالاپاندار دالادا قالاعالى تۇر» دەگەندە جۇرەگىم ەزىلىپ كەتتى» دەيدى كاسىپكەر تالعات مۇحامەتقاليەۆ. ءيا، بۇگىن وسى كاسىپكەر كوپ بالالى اناعا 1 ميلليون تەڭگە قارجىنى تابىستاپتى. «اۋدان اكىمى د.ورازباەۆ «اياگوز بولاشاق» قورىنا جينالعان 500 مىڭ تەڭگەنىڭ سەرتيفيكاتىن ۇسىندى. ءۇيى ورتەنىپ، ەڭسەسى تۇسكەن وتباسى جاڭا ءۇي الۋعا قاجەتتى قارجى تابىستالعان سوڭ كوڭىلى ورنىنا ءتۇسىپ، قول ۇشىن سوزعان قايىرىمدى جاندارعا العىسىن ءبىلدىردى» دەيدى اۋداندىق ىشكى ساياسات ءبولىمىنىڭ باسشىسى مەدەت مىرزىكەشوۆ. «دىلدابەك ءتاجىباي ۇلىنا باسىمداعى جاعدايدى ايتىپ بارعاندا بىردەن كومەك كورسەتەتىنىن ايتتى. اراعا اي سالماي جەدەل كومەك بەرگەندەرىڭىز ءۇشىن العىس بىلدىرەمىن. اۋدان باسشىلىعى ەندى وتىن، كومىر ءتۇسىرىپ بەرەتىنىن جەتكىزدى. مىڭ العىس» دەيدى كوپ بالالى انا ايجان تولتاەۆا.

 

شىعىس قازاقستان وبلىسى،

اياگوز اۋدانى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار