كاسىپورىندا كۇنىنە ورتا ەسەپپەن جيىرما توننادان استام نان, نان-توقاش, كونديتەر ونىمدەرى دايىندالىپ, ءوز يەلىگىندەگى 24 دۇكەنگە, سونىمەن قاتار جۇزدەگەن ساۋدا نۇكتەلەرىنە جونەلتىلەدى.
وزگە وڭىرلەردە «اس اتاسىنىڭ» قىمباتتاعانى بايقالسا, وبلىس اكىمى قۇمار اقساقالوۆ «الەۋمەتتىك» نان باعاسىنىڭ وزگەرىسسىز قالاتىنىن مالىمدەدى.
«وڭىردە بيىل جينالعان استىقتىڭ شىعىمى جامان ەمەس. مەملەكەت باسشىسى قاسىم-جومارت توقاەۆتىڭ «الەۋمەتتىك» نان باعاسىنىڭ كوتەرىلۋىنە بايلانىستى شۇعىل شارالار قابىلداۋ تۋرالى تاپسىرماسىنا وراي قولجەتىمدىلىكتىڭ بارلىق مۇمكىندىكتەرى قاراستىرىلعان. ساقتاندىرۋ قورىندا ءۇش مىڭ توننعا جۋىق ۇن بار. بۇل باعانىڭ بىرقالىپتى ۇستالۋىن قامتاماسىز ەتەدى», دەدى قۇمار ىرگەباي ۇلى.
پەتروپاۆل قالاسىنىڭ تۇرعىندارىن «اس اتاسىمەن» قامتاماسىز ەتۋ ءۇشىن ناۋبايحانالارعا ايىنا 900 توننا ۇن قاجەت. نان باعاسىن تۇراقتاندىرۋ ءۇشىن ۇننىڭ 300 تونناسى الەۋمەتتىك ناندى پىسىرۋگە بولىنەدى. سونىمەن قاتار ديىرمەنى بار نان-توقاش كاسىپورىندارىنا تومەندەتىلگەن باعامەن بيداي جەتكىزىلۋدە. بۇل دا الەۋمەتتىك نان باعاسىن 61 تەڭگە كولەمىندە ساقتاۋعا مۇمكىندىك بەرەدى.
وبلىس اكىمىنىڭ ءبىرىنشى ورىنباسارى مارات تاسماعانبەتوۆ الەۋمەتتىك نان وبلىس ورتالىعىندا 450 ازىق-ت ۇلىك ساۋدا ورىندارىندا ساتىلاتىنىن جەتكىزدى.
سولتۇستىك قازاقستان وبلىسى
