قوسىمشانىڭ جاڭا اتاۋى – eGov mobile.
AppStore نە PlayMarket-تەن قوسىمشانى ىزدەگەن شاقتا سىزگە بۇرىنعى mGov نۇسقاسى شىعۋى مۇمكىن. بۇل ءۇشىن nitec.kz ءوندىرۋشىسىن تاۋىپ, ۇسىنىلعان قوسىمشالاردىڭ ىشىنەن eGov mobile-دى تاڭدايسىز.
قوسىمشاعا كىرۋ: قوسىمشانى جۇكتەگەننەن كەيىن ءسىز ءوز تسيفرلىق قولتاڭباڭىزدى 4 تاڭبالى PIN-كودقا نەمەسە بيومەتريا قۇرىلعىلارىنا (سمارتفونداعى Face ID, Touch ID مۇمكىندىكتەرى) تىركەپ قويا الاسىز. كەيىن جۇيەگە كىرگەن كەزدە سىزدەن ەتسق نە قۇپياسوز تالاپ ەتىلمەيتىن بولادى.
eGov mobile-دى پايدالانۋ: قوسىمشانىڭ وزىندە ەتسق-نى قالاي جۇكتەۋگە بولاتىنى, اۆتوريزاتسيادان ءوتۋ تۋرالى جانە ت.ب. كەڭەستەر بار, ءار جاڭا قىزمەتكە قادامدىق نۇسقاۋلىق بەرىلگەن. وسىلايشا ازىرلەۋشىلەر, ياعني «ۇلتتىق اقپاراتتىق تەحنولوگيالار» اق قوسىمشانى قولدانىستا بارىنشا قولايلى ەتۋگە تىرىستى.
ۇسىنىلاتىن قىزمەتتەر: قازىرگى ۋاقىتتا قوسىمشادا 28 قىزمەت قولجەتىمدى. ولار: بازالىق زەينەتاقى تولەمىن ەسەپتەۋ مولشەرى تۋرالى انىقتاما, بالا تۋىنا بايلانىستى تولەمدەر جانە ءبىر جاسقا تولعانعا دەيىن تولەنەتىن جاردەماقى, سوتتىلىقتىڭ بولۋى نەمەسە بولماۋى تۋرالى انىقتاما, جىلجىمايتىن م ۇلىكتىڭ جوعى (بارى) تۋرالى انىقتاما جانە ت.ب. قىزمەتتەر ءتىزىمى تولىقتىرىلاتىن بولادى.
