2016 جىلى مەملەكەتتەر باسشىلارى قول قويعان «ازيانىڭ وركەندەۋ داۋىرىندەگى كەڭەيتىلگەن ستراتەگيالىق سەرىكتەستىك تۋرالى» بىرلەسكەن مالىمدەمە نۇر-سۇلتان مەن توكيونىڭ ەكى ەل اراسىنداعى ىنتىماقتاستىققا جاڭا سەرپىن بەرۋگە مۇددەلىلىگىن كورسەتتى.
سوندىقتان يمپەراتور نارۋحيتونىڭ تاققا وتىرۋ راسىمىنە قاتىسۋعا ارنالعان ساپارى بارىسىندا ەلباسى جاپونيانىڭ پرەمەر-ءمينيسترى سيندزو ابەمەن كەزدەسىپ, ساۋدا-ەكونوميكالىق قاتىناستاردى ودان ءارى دامىتۋ جونىندەگى قادامداردى تالقىلادى.
ايتا كەتۋ كەرەك, 2018 جىلى ەكىجاقتى تاۋار اينالىمىن ارتتىرۋ تۇرعىسىنان قازاقستان مەن جاپونيا ءۇشىن وتە ءساتتى بولدى. وسى جىلدىڭ قورىتىندىسى بويىنشا ساۋدا كولەمىنىڭ ءوسۋى 53,8%-دى قۇرادى, بۇل كورسەتكىشتىڭ 2 ملرد اقش دوللارىنا دەيىن وسۋىنە مۇمكىندىك بەردى. 2019 جىلدىڭ قاڭتار-تامىز ايلارى ارالىعىندا تاراپتار تۇتاستاي العاندا ساۋدا ديناميكاسىن ساقتاپ قالدى. كورسەتىلگەن كەزەڭدەگى ساۋدا-ساتتىق كولەمى 1,13 ملرد اقش دوللارىن قۇرادى.
جاپونيا قازاقستان ەكونوميكاسىنداعى ەڭ ءىرى ينۆەستورلاردىڭ ءبىرى. سوڭعى 10 جىل ىشىندە قازاقستان ەكونوميكاسىنا باعىتتالعان تىكەلەي شەتەلدىك ينۆەستيتسيالار اعىنىنداعى جاپونيالىق ۇلەس 6 ميلليارد دوللاردان استى.
قازاقستان ءۇشىن بۇل ەلمەن ارىپتەستىكتە تەحنولوگيالىق, ونىڭ ىشىندە جاپون تەحنولوگيالارى مەن نوۋ-حاۋدى ءتيىمدى ەنگىزۋ سالاسىنداعى سەرىكتەستىك باسىم باعىتى بولىپ قالا بەرەدى.
تولىق اۋقىمداعى ەكونوميكالىق ىنتىماقتاستىقتىڭ جول كارتاسىن ودان ءارى دامىتۋعا تاراپتاردىڭ تىكەلەي ەكىجاقتى بايلانىستارى جانە «ورتالىق ازيا + جاپونيا» فورماتىنداعى كوپجاقتى ۇنقاتىسۋ ءسوزسىز ىقپال ەتەدى.
جالپى, قازاقستان مەن جاپونيا اراسىنداعى ستراتەگيالىق سەرىكتەستىكتىڭ الەۋەتى زور دەپ قورىتىندى جاساۋعا بولادى.
ليديا پارحومچيك,
الەمدىك ەكونوميكا جانە ساياسات ينستيتۋتىنىڭ ساراپشىسى
