سەناتورلار وبلىستىق پەريناتالدىق ورتالىقتا بولدى. دەنساۋلىق ساقتاۋ مينيسترلىگىنىڭ مالىمەتى بويىنشا بيىلعى تامىز بەن قىركۇيەك ايلارىندا مۇندا 42 نارەستە كوز جۇمدى. «قازىرگى ۋاقىتتا وسى ورتالىقتا ءسابيدىڭ ءولىمى بويىنشا تەرگەۋ جۇمىستارى جۇرگىزىلۋدە. مەديتسينالىق مەكەمەنىڭ ينفراقۇرىلىمىن جاقسارتۋ بويىنشا جۇمىستار جۇرگىزىلۋدە. جالپى جاعداي تۇراقتالىپ, دارىگەرلەر كۇندەلىكتى قالىپتى تارتىپتە قىزمەتتەرىن جالعاستىرۋدا», - دەدى سەناتور س.ەڭسەگەنوۆ.
سەناتورلار ساپار بارىسىندا وبلىستىق كارديولوگيا ورتالىعىنىڭ جۇمىسىمەن تانىستى. كلينيكا زاماناۋي قۇرالدارمەن جابدىقتالعان, مۇندا كاسىبي قىزمەتكەرلەر جۇمىس ىستەيدى. سەناتورلار ورتالىقتىڭ ايماق ءۇشىن دە, جالپى رەسپۋبليكا ءۇشىن دە ماڭىزىن اتاپ ءوتتى.
دەپۋتاتتار سونداي-اق ءبىلىم بەرۋدە ەرەكشە تالاپ-تىلەكتەرى بار بالالارعا ارنالعان «بالالاردى وڭالتۋ ورتالىعىنىڭ» جۇمىسىمەن جانە ولاردىڭ مەديتسينالىق وڭالتۋ بارىسىمەن دە تانىستى.
سەناتورلار ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ №3 ستۋدەنتتەر ۇيىندە ستۋدەنتتەرمەن كەزدەسىپ, اڭگىمەلەستى. ۋنيۆەرسيتەتتە «سەرپىن» مەملەكەتتىك باعدارلاماسى اياسىندا ەلىمىزدىڭ ءتۇرلى ايماقتارىنان كەلگەن ستۋدەنتتەر ءبىلىم الادى.
ساپار بارىسىندا دەپۋتاتتار «اتىراۋ-اقپارات» مەكەمەسىندە «قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامنىڭ اتىراۋ وبلىستىق فيليالىنىڭ جانە وبلىستىق گازەتتىڭ جۋرناليستەرىمەن كەزدەسۋ وتكىزىپ, «APEC PetroTechnic» جوعارى تەحنيكالىق كوللەدجىندە بولدى.
