رەسمي اشىلۋ راسىمىنە قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليار, بەلارۋس رەسپۋبليكاسى پرەمەر-ءمينيسترىنىڭ ءبىرىنشى ورىنباسارى الەكساندر تۋرچين, سونداي-اق ەكى ەلدىڭ ىسكەرلىك جانە ديپلوماتيالىق ورتالارىنىڭ وكىلدەرى قاتىستى.
ەتنيكالىق بەينەسى مەن كەڭ فۋنكتسيونالدى مۇمكىندىكتەرى بار بەلارۋس ەلشىلىگىنىڭ جاڭا زاماناۋي كەشەنى قالانىڭ قارقىندى دامىپ جاتقان اۋدانىندا, قوشقارباەۆ كوشەسى 9-دا ورنالاسقان, وعان جاقىن ماڭداردا باسقا ەلدەردىڭ ەلشىلىكتەرى, كونۆەنتسيونالدىق, ءبىلىم بەرۋ, مادەني-ويىن-ساۋىق مەكەمەلەرى, قىزمەت كورسەتۋ جانە تاماقتانۋ كاسىپورىندارى ورنالاسقان.
اشىلۋ ءراسىمى كوپقىرلى قازاقستاندىق-بەلارۋستىك ديالوگتىڭ دامۋ تاريحىندا ماڭىزدى تارماق بولىپ سانالادى, ال قازاقستانداعى بەلارۋس جەرىنىڭ بولشەگى ءبىزدىڭ ازاماتتارىمىزدىڭ ءال-اۋقاتى مەن وركەندەۋىنىڭ وسۋىنە باعىتتالعان ەكىجاقتى قارىم-قاتىناستاردىڭ بارلىق سپەكترى بويىنشا ءوزارا ءتيىمدى ىنتىماستاستىقتى ارتتىرۋ ءۇشىن جاڭا مۇمكىندىكتەر اشىلاتىن جەر بولماق.
قازاقستان رەسپۋبليكاسىنداعى بەلارۋس رەسپۋبليكاسىنىڭ ەلشىلىگىنىڭ عيماراتتار كەشەنىنىڭ جوباسىن «تۇرعىن ءۇي ينستيتۋتى – س.س. اتاەۆ اتىنداعى عزجتقي» مم ازىرلەگەن.
ەلشىلىكتىڭ عيماراتتار كەشەنى اكىمشىلىك عيماراتتان تۇرادى, وندا قابىلداۋ زالى, كونفەرەنتس-زال, كەلىسسوزدەر بولمەسى, قىزمەتكەرلەردىڭ كابينەتتەرى, كىتاپحانا, سونداي-اق تۇرعىن ءۇي بار, تۇرعىن ۇيدە 10 پاتەر, 2 قوناق ءۇي بولمەسى, جەراستى پاركينگى جانە بەلارۋس رەسپۋبليكاسى ەلشىسىنىڭ رەزيدەنتسياسى قاراستىرىلعان.
بەلارۋس ەلشىلىگى «ديپلوماتتىق ورامدا» ورنالاسقان, بۇل جەردە اقش, كورەيا رەسپۋبليكاسىنىڭ ەلشىلىكتەرى, رەسەي ەلشىسىنىڭ رەزيدەنتسياسى بار, سونداي-اق بىرقاتار ديپلوماتيالىق وكىلدىكتەردىڭ (قحر, ءباا, ساۋد ارابياسى, وزبەكستان ) عيماراتتارىنىڭ قۇرىلىسى جۇرگىزىلۋدە.
