پرەمەر-مينيستر قوستانايدىڭ يندۋستريالىق ايماعىنا باردى, وندا قوستاناي تراكتور زاۋىتى بازاسىندا «كيروۆەتس» قۋاتتىلىعى جوعارى تراكتورىن شىعاراتىن زاۋىتتىڭ سالتاناتتى اشىلۋ راسىمىنە قاتىستى. كاسىپورىننىڭ جوبالىق قۋاتتىلىعى — 2025 جىلعا قاراي جەرگىلىكتەندىرۋدى بىرتىندەپ 50%-عا دەيىن ارتتىرعان جاعدايدا جىلىنا 700 بىرلىك تەحنيكاعا دەيىن جەتەدى (ينتەرەر/ەكستەرەردىڭ پلاستيكتەن جاسالعان ەلەمەنتتەرىن دايىنداۋ, 2021 جىلدان باستاپ – جوعارى قىسىم, باللاست جۇكتەرىنىڭ تۇتىكتەرىن, 2025 جىلدان باستاپ – كابينالار, باكتار, كوتەرگىش جاقتاۋلار, ديسكىلەر, كاردان بىلىگىن, تەڭدەستىرگىش دايىنداۋ جانە ت. ب.). ءۇش كەزەڭدە ىسكە اسىرىلاتىن جوباعا سالىنعان ينۆەستيتسيالاردىڭ جالپى كولەمى 7,3 ملرد تەڭگەنى قۇرايدى, وندىرىستە 500-گە جۋىق جاڭا جۇمىس ورنىن جانە ىرگەلەس سالالاردا 700 جۇمىس ورنىن قۇرۋ كوزدەلگەن.
پرەمەر-ءمينيستردىڭ قاتىسۋىمەن «پەتەربۋرگ تراكتور زاۋىتى» اق (پتز) باس ديرەكتورى س. سەرەبرياكوۆ جانە قازاقستان اۆتوبيزنەس قاۋىمداستىعىنىڭ پرەزيدەنتى س. لاۆرەنتەۆ «پتز» اق-نىڭ قوستاناي تراكتور زاۋىتىنىڭ جارعىلىق كاپيتالىنا كىرۋى تۋرالى كەلىسىمگە قول قويدى. قازاقستان الدىنا اۋىل شارۋاشىلىعى تەحنيكالارى مەن ونىڭ قۇراۋىشتارىنىڭ جوعارى تەحنولوگيالىق وندىرىستەرىن قۇرۋ مىندەتىن قويادى. بۇگىن ءبىز اتى اڭىزعا اينالعان “كيروۆەتس” تراكتورىنىڭ ءوندىرىسىن ىسكە قوسامىز. جاڭا زاۋىت قازاقستاننىڭ اۋىل شارۋاشىلىعى سالاسىن ەلىمىزدە قۇراستىرىلعان “كيروۆەتس” ساپالى ءارى سەنىمدى تەحنيكاسىمەن قامتاماسىز ەتەدى», — دەدى ا. مامين.
ۇكىمەت باسشىسى قازاقستاننىڭ اۋىل شارۋاشىلىعى تەحنيكاسىنىڭ نارىعىن كەڭەيتۋگە, ونى ودان ءارى ەكسپورتتاۋعا, جەرگىلىكتەندىرۋ پروتسەستەرىن تەرەڭدەتۋگە جانە سەرۆيس دەڭگەيىن ارتتىرۋعا مۇددەلى ەكەنىن اتاپ ءوتتى.
«قازاقستاندا “كيروۆەتس” ەنەرگيا ءتيىمدى تراكتورلارىنىڭ زاماناۋي ءوندىرىسىن اشۋ وتاندىق ماشينا جاساۋ سالاسىن دامىتۋ ستراتەگياسىنا سايكەس كەلەدى. اتالعان جوبانى باستاۋ ونىمدىلىگى جوعارى جاڭا جۇمىس ورىندارىن قۇرۋعا, اۋىل شارۋاشىلىعى مەن تكش سالاسىنا تراكتورلاردى شىعارۋعا, جەرگىلىكتەندىرۋدى ۇلعايتۋعا جانە ونەركاسىپتىڭ ىرگەلەس سالالارىن دامىتۋعا مۇمكىندىك بەرەدى», — دەدى ا. مامين.
ۇكىمەت باسشىسى قازاقستاندا العاش رەت شىعارىلعان «كيروۆەتس» تراكتورىن ءوزى سىناقتان وتكىزدى.
قازاقستاندا «پتز» اق ونىمدەرى كەڭىنەن تارالعان. ماسەلەن, 2014-2017 جىلدار ارالىعىندا ەلىمىزدە 500-گە جۋىق «كيروۆەتس» تراكتورى وتكىزىلگەن. اۋىل شارۋاشىلىعى مينيسترلىگىنىڭ دەرەكتەرىنە سايكەس, قر-داعى تراكتورلارعا دەگەن جىل سايىنعى قاجەتتىلىك شامامەن 1600 تراكتوردى قۇرايدى.
بۇعان قوسا, پرەمەر-مينيستر جۇمىس ساپارى اياسىندا وڭىردەگى قۇرىلىس جانە توقىما سالاسىنداعى ءىرى كاسىپورىندار — «قوستاناي-مبي» جشس ءۇي قۇرىلىسى كومبيناتى مەن «بولشەۆيچكا» وندىرىستىك كووپەراتيۆىنىڭ جۇمىسىمەن تانىستى.
بيىلعى 9 ايدىڭ قورىتىندىسى بويىنشا قوستاناي وبلىسىندا ونەركاسىپتىك ءوندىرىس كولەمى 862,8 ملرد تەڭگەنى قۇرادى (ناقتى كولەم يندەكسى – 115,1%). تاۋ-كەن ءوندىرۋ ونەركاسىبىنىڭ كولەمى – 373,4 ملرد تەڭگەنى (نكي – 107,8%). وڭدەۋ ونەركاسىبىندە ءوندىرىس كولەمى 23,8%-عا ۇلعايىپ, 446,6 ملرد تەڭگەنى قۇرادى. ءوسىم ماشينا جاساۋ سالاسىنداعى كولەمنىڭ 95,9%-عا (وڭدەۋدەگى ۇلەسى – 36,4%), مەتاللۋرگياداعى كولەمنىڭ 28,3%-عا (وڭدەۋدەگى ۇلەسى – 21,6%), سونداي-اق, ماشينالار مەن جابدىقتاردان باسقا, دايىن مەتالل بۇيىمدارى مەن جەڭىل ونەركاسىپ كولەمىنىڭ ۇلعايۋى ەسەبىنەن قامتاماسىز ەتىلدى.
