كينو • 23 قازان، 2019

ءا.ەرجانوۆتىڭ ءتورت ءفيلمى بىردەن ءارتۇرلى ەلدەردىڭ كينوفەستيۆالدەرىنە قاتىسۋدا

27 رەتكورسەتىلدى

كينورەجيسسەر ءادىلحان ەرجانوۆتىڭ ءتورت كارتيناسىنا بىردەن ءارتۇرلى ەلدەردىڭ كينوفەستيۆالدەرىنە قاتىسۋعا مۇمكىندىك تۋدى.

ونىڭ ەڭ العاشقى تولىق مەتراجدى رەجيسسەرلىك جۇمىسى – «ريەلتور» ءفيلمى پوستكەڭەستىك ەلدەرىنىڭ حالىقارالىق كينوفەستيۆالىنىڭ «ماسكەۋ پرەمەراسى» باعدارلاماسىنا شاقىرىلدى (29 قازان-3 قاراشا). 2011 جىلى تۇسىرىلگەن فەنتەزي-دراما ماسكەۋدە «ەۋرازيالىق كەڭىستىك. ءححى عاسىر. تولىق مەتراجدى دەبيۋتتەر» سەكتسياسىندا كورسەتىلەدى. بۇل تۋىندى رەسەيلىك كينوسۇيەرقاۋىمعا و باستان-اق ۇناعان، ول تۋرالى كەزىندە «كينو ونەرى» جۋرنالى «كين-دزا-دزا-نىڭ» ۇلتتىق نۇسقاسى، بىراق بوتەن جۇلدىزداردان ەمەس، ءوز اتا-بابالار مەن وتباسىلىق اڭىزداردان قۇرالعان كارتينا» دەپ جازعان بولاتىن. 2011 جىلى «ريەلتور» «كينوشوك» فەستيۆالىندە قازىلار القاسىنىڭ ارنايى جۇلدەسىن يەلەندى جانە دە باسقا دا رەسەيلىك كينوفەستيۆالدەردە بىرقاتار جۇلدەلەر الدى.

2014 جىلى ءا.ەرجانوۆ تۇسىرگەن «ۇكىلى كامشات» كارتيناسى قاراشا ايىندا سانكت-پەتەربۋرگ قالاسىندا وتەتىن «DairaFest» حالىقارالىق ونەر فەستيۆالىنىڭ باعدارلاماسىنا شاقىرىلدى. بۇل فيلم العاش رەت 67-حالىقارالىق كانن كينوفەستيۆالىنىڭ رەسمي باعدارلاماسى اياسىندا كورەرمەندەرگە تانىستىرىلىپ، ودان كەيىنگى جولى دا ءساتتى جالعاسىن تاپتى: «ۇكىلى كامشات» رەسەيدىڭ «نيكا» سىيلىعىنا، ازيالىق «وسكار» - «Asia Pacific Screen Awards» سىيلىعىنا ۇسىنىلدى، سونداي-اق تورونتو، بۋسان، ۆارشاۆا جانە ماسكەۋدى قوسا العاندا، بۇكىل الەم بويىنشا 20-دان استام بەدەلدى فەستيۆالدارعا قاتىسىپ، بىرقاتار ماراپاتتارعا يە بولدى. 2015 جىلى تۋىندىنى بۋسان حالىقارالىق كينوفەستيۆالى ءوزىنىڭ «100 ۇزدىك ازيالىق فيلمدەر» كاتالوگىنا ەنگىزدى.

ال «تۇنگى قۇداي» ءفيلمى Denver Film Festival كينوفەستيۆالىنىڭ باعدارلاماسىندا كورسەتىلەدى (30 قازان-10 قاراشا، دەنۆەر، اقش). بۇل 2018 جىلعى اۆتورلىق فەنتەزي-دراما، ونىڭ تۇساۋكەسەرى 40-ماسكەۋ حالىقارالىق كينوفەستيۆالىنىڭ كونكۋرستىق باعدارلاماسىندا ءوتتى، وندا ونى الەمدىك ءباسپاسوز باسىلىمدارى اندرەي تاركوۆسكي مەن الەكسەي گەرماننىڭ كارتينالارىمەن سالىستىرعان. فيلم بارلىق اسپاندا ءبىر ميفتىك جاراتىلىستىڭ پايدا بولۋىن تۇرعىندارى قورقىنىشپەن كۇتەتىن قالاداعى شارشاعان ادامنىڭ جانە ونىڭ ءجاسوسپىرىم قىزىنىڭ ساياحاتى تۋرالى  باياندايدى. اتى اڭىزعا اينالعان امەريكاندىق كينوسىنشى دجوناتان روزەنباۋم تۋىندىنى «دىبىستار مەن بەينەلەر شەبەرىنىڭ، ءۇمىتسىز اقىننىڭ قارعىسى» دەپ سيپاتتادى.

ال ەرجانوۆتىڭ جاڭا ءفيلمى «قاپ-قارا ادام» قازىرگى تاڭدا ستامبۋلدا ءوتىپ جاتقان 7-حالىقارالىق Bosphorus Film Festival-ىنە قاتىسۋدا، بۇل فەستيۆال 25 قازانعا دەيىن جالعاسادى. بۇل قيىن جاعدايلاردا ادام بولىپ وزگەرەتىن باتىر تۋرالى نۋار-تريللەر العاش رەت وسى جىلدىڭ قىركۇيەك ايىندا سان-سەباستيانداعى 67-حالىقارالىق كينوفەستيۆالدە، ودان كەيىن بۋسان مەن بەرگەندەگى (نورۆەگيا) فەستيۆالداردە كورسەتىلدى.

«ريەلتور»، «ۇكىلى كامشات» جانە «تۇنگى قۇداي» كارتينالارى Short Brothers كومپانياسىنىڭ قاتىسۋىمەن «قازاقفيلم» كينوستۋدياسىندا ءتۇسىرىلدى، ال «قاپ-قارا ادام» ءفيلمى Short Brothers جانە Arizona Productions كومپانيالارىنىڭ قاتىسۋىمەن Astana Film Fund كومپانياسىندا جاسالدى.

سوڭعى جاڭالىقتار

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

پرەزيدەنت • بۇگىن، 07:04

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

ۇقساس جاڭالىقتار