ەكونوميكا • 22 قازان، 2019

حالىقارالىق ۆاليۋتا قورى الماتىدا ايماقتىق ورتالىق اشادى

92 رەتكورسەتىلدى

بۇل تۋرالى حۆق باسقارۋشى ديرەكتورىنىڭ ورىنباسارى كارلا گراسسو حابارلادى.

ورتالىق كاۆكاز، ورتالىق ازيا جانە موڭعوليا ايماعىندا توعىز مۇشە-ەلگە الەۋەتتى دامىتۋ بويىنشا قىزمەت كورسەتەدى. سونداي-اق فيسكالدىق ساياسات، ورتالىق بانك وپەراتسيالارى، قارجى سەكتورىن قاداعالاۋ جانە ماكروەكونوميكالىق ستاتيستيكا قامتىلادى دەپ كۇتىلۋدە.

ورتالىق جۇمىسىن شامامەن ءبىر جىلدان كەيىن باستايدى.

«ورنالاسقان جەردى تاڭداۋ كوپتەگەن سالالاردى، سونىڭ ىشىندە قارجىلىق قولداۋدى، رەيستەردىڭ توعىسۋ مۇمكىندىگى مەن كەڭ اكىمشىلىك جانە لوگيستيكالىق باعىتتاردى قامتيتىن ساۋالدار مەن ۇسىنىستاردى باعالاۋعا نەگىزدەلدى. ءبىز گرۋزيا، قازاقستان جانە وزبەكستان بيلىكتەرىنە ورتالىق ورنالاستىرۋ بويىنشا بەرگەن تاماشا ۇسىنىستارىنا العىس ايتامىز»، دەدى گراسسو.

بۇل ورتالىق حۆق قىزمەتىن ايماقتا جوسپارلاۋ، ۇيلەستىرۋ جانە ىسكە اسىرۋ ءۇشىن ۇيلەستىرۋ ورتالىعى بولادى دەپ كۇتىلۋدە. ايماقتان تىس باسقا مۇشە-ەلدەر مەن اگەنتتىكتەر حۆق-نىڭ باسقا دا ايماقتىق تەحنيكالىق كومەك ورتالىقتارى مەن بۇكىل الەمدەگى وقۋ ورتالىقتارىنىڭ تاجىريبەسىنە سۇيەنە وتىرىپ جۇمىس ىستەيتىن RTAC-ءتى قولدايدى دەپ كۇتىلۋدە.

وتكەن اپتادا، 17-18 قازان كۇندەرى 17-19 قازاندا قازاقستان رەسپۋبليكاسى ۇلتتىق بانكىنىڭ توراعاسى ەربولات دوساەۆ جۇمىس ساپارىمەن ۆاشينگتوندا  بولىپ، حۆق-نىڭ جاڭا باسقارۋشى ديرەكتورى كريستالينا گەورگيەۆامەن كەزدەسكەن بولاتىن.  وندا الماتىدا جاڭا ايماقتىق تەحنيكالىق كومەك ورتالىعىن اشۋ تۋرالى كەلىسىمدەردىڭ ىسكە اسىرۋدىڭ تەتىكتەرى جانە ماماندارمەن قامتاماسىز ەتۋ ماسەلەسى تالقىلاعان بولاتىن.

الدىن الا قول جەتكەن كەلىسىمدەر بويىنشا الماتىدا جاڭا ايماقتىق تەحنيكالىق كومەك ورتالىعىندا (RTAC) قازاقستاندىق ماماندار دا شتاتتىق جۇيەدە جۇمىس ىستەيدى. 

ەكونوميست ولجاس تولەۋوۆ بۇل تەك ۇلتتىق بانك ءۇشىن عانا ەمەس، مەملەكەتتىڭ ەكونوميكالىق جانە قارجىلىق ساياساتى ءۇشىن دە جاعىمدى جاڭالىق ەكەنىن ايتادى. ۇلتتىق بانك پەن ۇكىمەتتىڭ ەكونوميكالىق بلوگى مونەتارلى جانە فيسكالدى ساياسات بويىنشا حالىقارالىق ساراپتامانىڭ كومەگىنە جۇگىنۋگە مۇمكىندىك الدى. «حالىقارالىق ۆاليۋتا قورى (حۆق) الماتىدا جاڭا ايماقتىق تەحنيكالىق كومەك ورتالىعىنىڭ  (RTAس) الماتىدا ورنالاسۋى  قازاقستانداعى ينۆەستيتسيالىق احۋالدى ارتتىرۋدىڭ قوسىمشا فاكتورى بولىپ تابىلادى جانە الماتىنىڭ بيزنەستى تارتۋدىڭ ايماقتىق ورتالىعى رەتىندەگى ءرولىن كۇشەيتەدى»، دەدى ولجاس تولەۋوۆ.

وزبەكستان پرەزيدەنتى  شاۆكات ميرزياەۆتىڭ جۇرگىزگەن رەفورمالارى مەن بارىنشا اشىق بولۋعا ۇمتىلۋىنا قاراپ بىرقاتار ساراپشىلار جاڭادان اشىلاتىن نەمەسە بۇرىننان جۇمىس ىستەپ كەلە جاتقان حالىقارالىق قاۋىمداستىقتاردىڭ وكىلدىكتەرى، حالىقارالىق ينستيتۋتتار مەن كومپانيالار  كوش باسىن وزبەكستانعا قاراپ تۇزەيتىن شىعار دەپ بولجاعان بولاتىن. ءبىراز حۆح تاڭداۋى ساراپشىلاردىڭ بولجامىنا تاۋەلدى ەمەس ەكەنىن كورسەتتى. 

ەندى ساراپشىلار، حۆق مۇشە مەملەكەتتەر مەن اگەنتتىكتەر الماتىدا جاڭادان اشىلعان ورتالىققا قولداۋ كورسەتەدى دەپ ۇمىتتەنىپ وتىر. 

 

الماتى

سوڭعى جاڭالىقتار

ۇقساس جاڭالىقتار