سپورت • 22 قازان، 2019

حالىقارالىق ات سپورتى فەدەراتسياسىنىڭ پرەزيدەنتى الماتىعا كەلدى

57 رەتكورسەتىلدى

ۇلى دالا الەمگە جىلقى شارۋاشىلىعىن جانە سالت اتتىلار وركەنيەتىن قالىپتاستىردى، ۇلگىسىن تانىپتتى.  العاش رەت جىلقىنى قولعا ۇيرەتۋ قازاق جەرىندە باستاۋ العاندىعىن سولتۇستىكتەگى «بوتاي» قازبالارى دالەلدەيدى. ەلدەگى بۇل سپورتتىڭ الەۋەتىمەن تانىسۋ ءۇشىن حالىقارالىق ات سپورتى فەدەراتسياىنىڭ پرەزيدەنتى ينگمار دە ۆوس الماتىعا ارنايى كەلىپ، الماتى جانە الماتى وبلىسىنداعى ات سپورتى كلۋبتارىن ارالادى. بۇل تۋرالى الماتى قالاسى اكىمدىگىنىڭ ءباسپاسوز ءبولىمى حابارلادى.

 

وسى ورايدا قازاقستان مەن رەسەي ات سپورتى قاۋىمداستىقتارى ەكى جاقتى كەلىسىمگە قول قويدى. بولاشاقتا بۇل كەلىسىم ەكى ەلدىڭ سپورتشىلارىنا تاجىريبە الماسۋ ءۇشىن جانە حالىقارالىق جارىستارعا قاتىسۋلارىنا مۇمكىندىك تۋعىزباق.  

«جىلقىنىڭ سەنىمىن تولىق يەلەنۋ ءۇشىن كەيدە بىرنەشە جىل قاجەت»، دەيدى سپورتشىلار.

بۇگىندە قازاقستاندا ات سپورتىنىڭ ۇلتتىق تۇرلەرى بەلسەندى دامۋدا. بىلتىردىڭ وزىندە ەلىمىزدە 50-دەن استام جارىس ءوتتى. ءبىزدىڭ سپورتشىلار اۋدارىسپاق جانە تەڭگە ءىلۋ بويىنشا ازيا چەمپيونى اتانسا، كوكپار جانە جامبى اتۋدان الەم چەمپيوندارى اتاعىن جەڭىپ الدى.

ء«بىز ءوز تاراپىمىزدان قازاقستاندا ات سپورتىنىڭ دامۋىنا بارىنشا قولداۋ كورسەتەمىز. فەدەراتسيانىڭ دامۋ باعدارلاماسى اياسىندا باپكەرلەر مەن جاتتىقتىرۋشىلارعا ارنايى سەمينار وتكىزەمىز. قازىرگى تاڭدا وليمپيادا ويىندارىنا بەرىلەر جولداما سانى ارتا ءتۇستى. وسى مۇمكىندىكتى قازاقستان ءتيىمدى پايدالانادى دەگەن ويدامىن»، دەدى حالىقارالىق ات سپورتى فەدەراتسياسىنىڭ پرەزيدەنتى ينگمار دە ۆوس.

«باستى ماسەلە قازاقستان – ۆەتەرينارلىق جاعىنان وتە جاعىمسىز ايماق. ءبىز قازاقستاننان سپورتشىلاردى شەتەلگە شىعارۋ ءۇشىن 3 ايلىق كارانتين قۇرۋ كەرەكپىز. ەڭ جاقىن كارانتين بىزدە ول رەسەيدە. ال 3 اي كارانتين دەگەن – اقشا جاعىنان قىرۋار شىعىن»، دەدى قر ات سپورتى بويىنشا باس جاتتىقتىرۋشى اسەت تولقىمبەك.

 

الماتى

 

 

سوڭعى جاڭالىقتار

كۇلكى كەرۋەنى № 20

رۋحانيات • 06 جەلتوقسان، 2019

ورالدا جاستار باستامالارىن قولداۋ جاقسى

ايماقتار • 06 جەلتوقسان، 2019

قونىس اۋدارۋشىلاردى قولداۋ قانداي؟

قوعام • 06 جەلتوقسان، 2019

تاۋلىگىنە 15-16 توننا ءسۇت الىنادى

ايماقتار • 06 جەلتوقسان، 2019

ۇقساس جاڭالىقتار