سپورت • 22 قازان، 2019

«بارىس» وۆەرتايمدا باسىم ءتۇستى

41 رەت كورسەتىلدى

ەلوردانىڭ «بارىس» حوككەي كلۋبى قۇرلىقتىق حوككەي ليگاسى (قحل) ايا­سىنداعى كەزەكتى تۋر ويىنىن «با­رىس ارەنادا» ماسكەۋ وبلىسىنىڭ «ۆيتياز» كومانداسىنا قارسى وتكىزىپ، 3:2 ەسە­بىمەن باسىم ءتۇستى.

سوڭعى ەكى ويىندا قارسىلاستارىنان وۆەرتايمدا جەڭىلگەن جەرلەستەرىمىز بۇل جولى قوسىمشا ۋاقىتتا جەڭىسكە جەتتى. «بارىس ارەناعا» جينالعان 8 مىڭ جانكۇيەر 5 گولدىڭ كۋاسى بولدى. ماتچتاعى ەسەپتى ءبىرىنشى قوناق كوماندانىڭ ويىنشىلارى اشتى. العاشقى مينۋتتا الەكساندر سەمين مەرگەندىگىمەن كوزگە تۇسكەنىمەن، «بارىس» ساپىنان انتون ساگادەەۆ جىلدام گولمەن قارىمتا قايتاردى. ۇزىلىستەن كەيىن داستين بويد «بارىستى» ەسەپتە العا شىعارسا، ءۇشىنشى كەزەڭدە الەكساندر سەمين ويىنداعى ەكىنشى شايباسىن سوعىپ، تابلوداعى كورسەتكىشتى تەڭەستىرىپ كەتتى. ءسوي­تىپ ويىن تاعدىرى وۆەرتايمدا شەشىلدى. قوسىمشا ۋاقىتتىڭ 3-مينۋتىندا داستين بويد دۋبل اۆتورى اتانىپ، كومانداسىنا ماڭىزدى جەڭىس سىيلادى.

بۇگىنگە دەيىن 18 كەزدەسۋ وتكىزگەن «بارىس» تۇراقتى بىرىنشىلىكتىڭ جارىس كەستەسىندە ءۇشىنشى ورىندا كەلەدى. جەرلەستەرىمىزدىڭ قورجىنىندا 26 ۇپاي بار. ەندى «بارىس» كومانداسى الداعى ءۇش ويىنىن سىرتتا وتكىزەدى. بۇگىن مينسكىنىڭ «دينامو» كومانداسىمەن كەزدەسسە، 24 قازاندا «لوكوموتيۆ» (ياروسلاۆل)، 26 قازاندا «اق بارس» (قازان) كلۋبىمەن وينايدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار