زاڭ جوباسى تۇرعىن ءۇي-كوممۋنالدىق شارۋاشىلىق سالاسىنداعى زاڭنامانى جەتىلدىرۋ ماقساتىندا ازىرلەنگەن بولاتىن. جوبامەن بىرقاتار زاڭنامالىق اكتىگە وزگەرىستەر مەن تولىقتىرۋلار ەنگىزىلەدى.
زاڭ جوباسىمەن ء«بىر ءۇي – مۇلىكتىڭ مەنشىك يەلەرىنىڭ ءبىر بىرلەستىگى – ءبىر شوت» قاعيداتى بويىنشا كوندومينيۋم وبەكتىسىن باسقارۋدىڭ جاڭا ۇلگىسى ۇسىنىلادى. سەناتور ءا.قۇرتاەۆتىڭ ايتۋىنشا, بۇل قاعيدا ءاربىر ءۇيدى باسقارۋ جونىندەگى جەكە ءادىستى قاراستىرادى. پاتەر يەلەرى كووپەراتيۆتەرىنىڭ قىزمەتى ءاربىر ءۇيدىڭ اعىمداعى جانە جيناق شوتىن پايدالانۋ ارقىلى قارجىلاندىرىلادى.
زاڭ جوباسىمەن كوندومينيۋم وبەكتىسىنىڭ ورتاق مۇلكىن كۇردەلى جوندەۋدى قارجىلاندىرۋ تەتىگى ەنگىزىلەدى, ول پاتەرلەر مەن تۇرعىن ەمەس ءۇي-جايلاردىڭ مەنشىك يەلەرىنىڭ قاراجاتتى جيناقتاۋىنا جانە ەكىنشى دەڭگەيدەگى بانكتەن قارىز الۋىنا نەگىزدەلگەن. مامانداندىرىلعان قور ميب-ءتىڭ تۇرعىن ءۇي قارىزىن وتەۋ جونىندەگى مىندەتتەمەلەردى ورىنداۋىن كەپىلدەندىرەتىن بولادى.
سونىمەن قاتار تۇرعىن ءۇي-قۇرىلىس كووپەراتيۆىن قۇرۋ, ونىڭ قىزمەتىن جۇزەگە اسىرۋ جانە توقتاتۋ ءتارتىبى, مۇشەلىك شارتتارى مەن جارعى مازمۇنى رەتتەلەدى.
زاڭ جوباسىمەن باسقارۋشى جانە سەرۆيستىك كومپانيالار قىزمەتتەرىنىڭ اشىقتىعىن ارتتىرۋعا جانە ءۇي كەڭەسىن قۇرۋ جانە ەلەكتروندى اقپاراتتىڭ رەسۋرستار مەن اقپاراتتىق جۇيەلەردى ەنگىزۋ ارقىلى پاتەرلەر مەن تۇرعىن ەمەس ءۇي-جايلاردىڭ مەنشىك يەلەرى تاراپىنان باقىلاۋدى قامتاماسىز ەتۋگە, سونداي-اق تۇرعىن ءۇي سالاسىنداعى قۇقىقتىق قاتىناستار سۋبەكتىلەرىنىڭ اراسىنداعى ءوزارا قارىم-قاتىناستى جاقسارتۋعا باعىتتالعان ەرەجەلەر ۇسىنىلادى.
زاڭ جوباسى پالاتانىڭ قاراۋىنا جىبەرىلدى.
