54 جاستاعى اسقار سەيداحمەت ۇلى كەزىندە الماتىنىڭ «قايرات» كلۋبىنىڭ ساپىندا ويناعانىن جانكۇيەرلەر جاقسى بىلەدى. ودان بولەك, ول ەلىمىزدىڭ سكيف (الماتى), «شاحتەر» (قاراعاندى), «جەتىسۋ» (تالدىقورعان), «حيميك» (جامبىل), «دوستىق» (الماتى), «اقتوبە» جانە گەرمانيانىڭ «پرويسسەن» كوماندالارىندا ونەر كورسەتتى. 1992-1996 جىلدارى قازاقستاننىڭ ۇلتتىق قۇراماسىنىڭ نامىسىن قورعادى. 2001 جىلدان بەرى جاتتىقتىرۋشىلىق قىزمەتتىن تىزگىنىن ۇستاپ, قازاقستاننىڭ بىراقاتار كلۋبتارىن باپتادى.
قازىرگى كەزدە «اتىراۋدىڭ» جاعدايى وتە مۇشكىل. ەل بىرىنشىلىگىنىڭ جارىس كەستەسىندە ولار سوڭىنان ساناعاندا ەكىنشى, ياعني 11 ورىندا ورىندا كەلەدى. وسى كۇنگە دەيىن 28 كەزدەسۋ وتكىزگەن اتىراۋلىق كوماندا نەبارى 20 ۇپاي جيدى.
