«بيىل 14 قازان كۇنى ۆارشاۆادا (پولشا) IATA جولاۋشى تاسىمالداۋ ستاندارتتارى جونىندە (Passenger Standards Meeting) وتىرىس ءوتتى. وعان IATA-نىڭ بارلىق مۇشەسى قاتىستى. شارادا قازاقستاننىڭ IATA-نىڭ №763 قارارىنا وزگەرتۋلەر ەنگىزۋ جونىندەگى باستاماسى قولداۋ تاپتى. بۇل نۇر-سۇلتان اۋەجايىنىڭ ءۇش ارىپتەن تۇراتىن كودىن (TSE) وزگەرتۋگە مۇمكىندىك بەرەدى», - دەلىنگەن حابارلامادا.
مينيسترلىكتىڭ مالىمەتىنە سايكەس, قازاقستان استاناسى اۋەجايىنىڭ جاڭا كودىنا بىرنەشە نۇسقا ۇسىنىلعان. سوڭعى نۇسقا تالقىلانىپ جاتىر.
«763-قارارعا وزگەرتۋ ەنگىزۋ ءبىراز ۋاقىتتى قاجەت ەتەدى. مينيسترلىكتىڭ مالىمدەۋىنشە, وزگەرىستەر 2020 جىلدىڭ قاڭتارىندا كۇشىنە ەنۋى قاجەت. سودان كەيىن IATA كودتىڭ سوڭعى نۇسقاسىن بەكىتەدى», دەلىنگەن مينيسترلىك تاراتقان اقپاراتتا.
