«اتامەكەن» قر ۇكپ باسقارۋشى ديرەكتورى-جاپپاي كاسىپكەرلىك جانە ميكرو قارجىلاندىرۋ دەپارتامەنتىنىڭ ديرەكتورى باۋىرجان ورازعاليەۆ: «كاسىپ ءتۇبى-ءناسىپ» جوباسى شەڭبەرىندە كاسىپكەرلەردىڭ, جاڭاوزەن تۇرعىندارىنىڭ, جاستارىنىڭ ۇسىنىستارى قولداۋ تابادى. تۇيتكىلدى ماسەلەلەردى بىرلەسىپ شەشۋگە ات سالىساتىن بولامىز. مۇنداي دوڭگەلەك ۇستەلدى الداعى ۋاقىتتا دا ۇيىمداستىرامىز. ويتكەنى, مۇنايلى شاھار تۇرعىندارىن تولعاندىراتىن سۇراقتار ازايسا, جۇمىسسىزدىقپەن كۇرەسۋ شارالارى وڭ ناتيجەسىن بەرسە, كاسىپكەرلەردىڭ ءىسى وڭعا باسسا - ءبىزدىڭ كوزدەگەن مۇددەمىزدىڭ ناقتى ورىندالعانى دەپ تۇسىنەمىز», دەيدى.
باسقوسۋدا ءسوز العان جاڭاوزەن قالالىق جاستار رەسۋرستارى ورتالىعىنىڭ مامانى مۇحاممەد باقىتجاننىڭ ايتۋىنشا, جەرگىلىكتى جاستارعا كوبىنەسە روبوتوتەحنيكا, ءىت ماماندىقتارى بويىنشا ءبىلىم بەرىلىپ جاتىر. قازىرگى قوعامنىڭ تالابى وسىنداي. سوندىقتان دا بۇرىنعىشا ەسكى تىزىمدە بەكىتىلگەن ماماندىقتارعا ەمەس, نارىققا قاجەتتى, سۇرانىسقا يە مامانداردى دايارلاۋدى ۇسىندى.
جاڭا جوبا اياسىندا جاڭاوزەن قالاسىنان 10 وقۋ ورتالىعىن اشۋ جوسپارلانىپ وتىر.
- ءىرى كاسىپورىندارعا وقۋ ورتالىعىن بىرلەسىپ اشۋ تۋرالى تۇسىنىك جۇمىستارىن جۇرگىزۋدەمىز. قالاداعى كوللەدج باسشىلارىنا قىسقا مەرزىمدى وقىتۋ كۋرستارى, سۇرانىسقا يە ماماندىقتار جايلى ۇسىنىسىمىزدى بەردىك. جۇمىسپەن قامتۋ بولىمدەرىنە جاستارعا قولايلى وقۋ ورتالىقتارىن اشۋ تۋرالى اڭگىمە جۇرگىزىلدى, دەيدى مو كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ 1-دارەجەلى ساراپشىسى رۋسلان بيسەكەنوۆ.
دوڭگەلەك ۇستەلدەن سوڭ جاڭا جوبانىڭ جۇمىس توبى جاڭاوزەن قالاسىنىڭ ورتالىق بازارلارىن ارالاپ شىقتى. وندا ساۋدا جاساۋشىلارعا جوبانىڭ تيىمدىلىگى ءتۇسىندىرىلىپ, كاسىپكەرلەر پالاتاسى ۇسىناتىن قىزمەتتەر قاتارى ايتىلدى. دۇكەن يەلەرىن نەسيە الۋ, بيزنەستى كەڭەيتۋ, اكىمشىلىك كەدەرگىلەر كەزدەسكەن جاعدايدا كاسىپكەرلەر قۇقىن قورعاۋ, كۋرستاردا وقۋ ماسەلەلەرى قىزىقتىردى.
سونان سوڭ جۇمىس توبى «جاڭاوزەن» ساۋدا ورتالىعىنا باردى. ساۋدا ۇيىنە كەلۋشىلەر مەن كاسىپكەرلەردى نەسيە الۋ, بۇرىنعى قارىزدارىنان قۇتىلۋ جولدارى, كەپىلدىك زات مولشەرى, كاسىپكەرلەردىڭ قۇقىقتىق ساۋاتتىلىعىن كوتەرۋ سىندى ماسەلەلەر كوبىرەك تولعاندىراتىن بولىپ شىقتى. جۇمىس توبىنىڭ بىلىكتى ماماندارى ۇسىنىستاردىڭ بارلىعىن جيناپ, الدا جۇزەگە اساتىن ءىس جوسپارعا ەنگىزەتىن بولادى.
ماڭعىستاۋ وبلىسى
