قالا بويىنشا ەكونوميكالىق قىزمەتتىڭ بارلىق تۇرىندەگى جۇمىسشىلاردىڭ ورتاشا ەڭبەكاقى 2019 جىلدىڭ قاڭتار-تامىز ايىندا 447662 تەڭگەنى قۇرادى, 2018 جىلدىڭ سايكەس دەڭگەيىنە قاراعاندا 9,9%-عا ءوستى.
بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگ بارىسىندا جاڭاوزەن قالاسىنىڭ اكىمى ماقسات يباعاروۆ مالىمدەدى.
جۇمىسپەن قامتۋ ورتالىعىنىڭ اقپاراتىنا سايكەس, اعىمداعى جىلى قاڭتار-تامىز ايلارىندا 3 854 جاڭا جۇمىس ورنى قۇرىلدى, بۇل كورسەتكىش 2018ج. قاڭتار-تامىزدا – 3 766 جۇمىس ورنى بولعان, وتكەن جىلمەن سالىستىرعاندا 102,3% قۇرادى.
جىل باسىنان جۇمىسسىز ازامات رەتىندە حابارلاسقاندار سانى - 8625 ادام, ونىڭ ىشىندە جاستارى – 4 700 ادام, ياعني 54,5%.
01.09.2019 جىل كەزەڭىنە تىركەۋدە قالعان جۇمىسسىزدار سانى 2 253 ادام بولسا, ونىڭ 1 458-ءى, ياعني 64,7 %-ءى جاستار.
جۇمىسسىزدىق دەڭگەيى - 2,9% قۇرادى. اعىمداعى جىل باسىنان بەرى 3 991جۇمىسسىزدار الەۋمەتتىك شارالارمەن قامتىلدى, ونىڭ ىشىندە 2 089 ادام تۇراقتى جۇمىسقا ورنالاسسا, 207 ادام الەۋمەتتىك جۇمىسپەن قامتىلدى, 238 ادام جاستار تاجىريبەسىنە جولدانىپ, 1 277 ادام اقىلى قوعامدىق جۇمىسپەن قامتىلدى. سونداي-اق, جاستار, كوپ بالالى وتباسىلار, ااك الۋشىلاردان قىسقا مەرزىمدى «بيزنەس باستاۋ» كاسىپكەرلىك نەگىزدەرى وقۋ كۋرسىنا 106 ادام جولدانسا, «بيزنەس باستاۋ» كاسىپكەرلىك نەگىزدەرى بويىنشا نەسيە العاندار سانى 44 ادامعا جەتتى.
جۇمىسسىزداردى وقىتۋ جانە قايتا دايارلاۋ كۋرستارىنا 30 ادام, مەملەكەتتىك اتاۋلى الەۋمەتتىك كومەك الۋشىلار سانى 01.09.2019ج. كەزەڭىنە 1 391وتباسى - 7 994 ادام بولدى.
-ناقتىراق ايتقاندا جاڭاوزەن قالاسى بويىنشا جانۇياعا كىرەتىن كىرىس كوزىن ەسەپكە الماي ءتورت جانە ودان كوپ 18 جاسقا دەيىنگى بالالاردى تاربيەلەيتىن اتا-انالارعا تولەنەتىن اي سايىنعى 10 605 تەڭگە جاردەماقىسى 2018 جىلدان باستاپ توقتاتىلىپ, كەدەيشىلىك شەگىنەن تومەن تۇراتىن وتباسىلارعا تولەنە باستادى. ياعني, ااك الۋشىلاردىڭ سانىنىڭ كۇرت ءوسۋى, اعىمداعى جىلدىڭ ءساۋىر ايىنان باستاپ بەلگىلەنگەن كۇنكورىس دەڭگەيىنىڭ 70 پايىزعا وسۋىنەن بولىپ وتىر, دەدى قالا اكىمى.
