تەكسەرىستىڭ نەگىزگى ماقساتى جەكە قۇرامنىڭ ماشىقتىعىنىڭ, ۆزۆودتاردىڭ, روتالاردىڭ, قۇرامالار مەن بولىمدەر باتالوندارى باسقارمالارىنىڭ شىنايى دەڭگەيىن, بولىمشەلەردىڭ قىسقا مەرزىمدە قويىلعان جاۋىنگەرلىك تاپسىرمالاردى ورىنداۋعا ازىرلىكتەرىن تەكسەرۋ, سونداي-اق وقۋ-جاۋىنگەرلىك تاپسىرمالاردى پىسىقتاۋ, جاۋىنگەرلىك دايارلىق جوسپارلارى مەن باعدارلامالارىن ورىنداۋ بارىسىندا بولىمشەلەر مەن ولاردىڭ باسقارۋ ورگاندارىنىڭ جاۋىنگەرلىك دايارلىعى مەن ۇيلەسىمدىلىگىنىڭ دەڭگەيىن باعالاۋ بولىپ تابىلادى.
-وسىعان وراي, وڭىرلىك قولباسشىلىقتىڭ باسقاراماسى وفيتسەرلەرى قۇرامىنان كەشەندى كوميسسيا قۇرىلدى. ولار بارلىق اسكەري بولىمدەرگە جىبەرىلدى. قورىتىندى تەكسەرىس بىرنەشە كەزەڭمەن وتكىزىلەدى دەپ جوسپارلانعان. تەكسەرىسكە شتاتتىق جاۋىنگەرلىك تەحنيكامەن جاۋىنگەرلىك وق اتۋلار مەن تاكتيكالىق وقۋ-جاتتىعۋلاردى وتكىزە وتىرىپ, تۇرلەر, اسكەر تەكتەرى مەن وڭىرلىك قولباسشىلىقتاردىڭ, باتالونداردىڭ (ديۆيزيونداردىڭ) بارلىق باسقارمالارى, ۆزۆودتار, روتالار (باتارەيالار) مەن ولارعا تەڭەستىرىلگەندەر تارتىلدى. وقىتۋ پاندەرى بويىنشا ساباقتار بولىمدەردىڭ ۇدايى ورنالاسۋ پۋنكتتەرىندە جانە وقۋ-جاتتىعۋ ورتالىقتارى مەن پوليگونداردا وتۋدە, دەيدى «باتىس» وڭىرلىك قولباسشىلىعى اسكەرلەرىنىڭ قولباسشىسى پولكوۆنيك نۇرلان الدياروۆ.
تەكسەرىلەتىن پاندەردىڭ قاتارىندا اتىس, تاكتيكالىق, ارنايى دايىندىق, جاۋىنگەرلىك ماشينالاردى جۇرگىزۋ, اسكەري توپوگرافيا, ينجەنەرلىك, دەنە جانە ساپتىق دايارلىق. كوميسسيا سونداي-اق قارۋ-جاراق پەن اسكەري تەحنيكانىڭ جاي-كۇيىن, باعىنىستى قۇرامالاردا جاۋىنگەرلىك دايارلىقتى باسشىلىققا الۋ بويىنشا لاۋازىمدى ادامداردىڭ جۇمىسىنىڭ ۇيىمادستىرىلۋ جۇيەسىن, جاۋىنگەرلىك جانە جۇمىلدىرۋ ازىرلىگىن تەكسەرەدى.
ءار اسكەري قىزمەتشىگە جەكە دارا تارتىپتە جانە بولىمشەلەر قۇرامىندا تەوريا جۇزىندە عانا ەمەس, سونىمەن بىرگە, پراكتيكا جۇزىندە ەمتيحاندار تاپسىرۋعا تۋرا كەلەدى.
