كەزدەسۋ بارىسىندا ازەربايجان باسشىسى ەكىجاقتى ىنتىماقتاستىقتى ستراتەگيالىق ارىپتەستىكتىڭ جوعارى دەڭگەيىنە شىعارۋعا مۇمكىندىك بەرگەن قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆپەن تاريحي قالىپتاسقان جىلى قارىم-قاتىناستاردى, سونداي-اق قازاقستان رەسپۋبليكاسىنىڭ پرەزيدەنتى قاسىم-جومارت توقاەۆپەن جەمىستى جالعاسىپ جاتقانىن دا اتاپ ءوتتى.
ي. اليەۆ ينۆەستيتسيالىق, ساۋدا-ەكونوميكالىق, وتىن-ەنەرگەتيكالىق, ترانزيت-كولىكتىك, اۋىل شارۋاشىلىعى, مادەني-گۋمانيتارلىق جانە باسقا دا سالالارداعى ەكىجاقتى جانە كوپجاقتى ءوزارا ءىس-قيمىلدى ودان ءارى نىعايتۋ جانە كەڭەيتۋ تۋرالى ءوز ويىن ءبىلدىردى. ءوز كەزەگىندە, ەلشى ازەربايجان پرەزيدەنتىنە ءوزىنىڭ تاعايىندالۋىنا كەلىسىم بەرگەنى ءۇشىن العىسىن جەتكىزە وتىرىپ, الداعى جوسپارلارى تۋرالى, سونىڭ ىشىندە ەكى باۋىرلاس مەملەكەت پەن حالىقتار اراسىنداعى قارىم-قاتىناستاردىڭ بارلىق سپەكترىن قارقىنداتۋ ماقساتىندا بارلىق كۇش-جىگەرىن جۇمساۋعا دايىن ەكەنىن اتاپ ءوتتى.
ازەربايجان پرەزيدەنتى قازاقستان ەلشىسىن قىزمەتكە كىرىسۋىمەن قۇتتىقتادى جانە الداعى ۋاقىتتا قىزمەتىندە تابىس تىلەدى.
