داۋرەن اقتاۋداعى «جاس باتىر» سپورت مەكتەبىندە جاتتىعادى. ول الەم بىرىنشىلىگىندە 56 كەلى سالماقتا سىنعا ءتۇستى. كىلەمدە تۇركمەنستان, كولۋمبيا, ازەربايجان جانە وزبەكستاننان كەلگەن سپورتشىلاردى تىزە بۇكتىرگەن ول ايقىن باسىمدىقپەن جەڭىسكە جەتتى.
داۋرەن سامبودان قازاقستان چەمپيونى, ازيا چەمپيونى اتانعان بولاتىن.
-سامبو كۇرەسىنە قاتىسىپ, ءتۇرلى دودالاردا باق سىناپ جۇرگەنىمە 8 جىلداي ۋاقىت بولدى. الايدا الەم چەمپيوناتىندا العاش رەت سىنعا ءتۇستىم. الەمنىڭ تۇكپىر-تۇكپىرىنەن مىقتى سپورتشىلار كەلدى. فينالدىق كەزدەسۋدە وزبەكستاننان كەلگەن سپورتشىمەن بەلدەسىپ, ءبىرىنشى ورىندى يەلەندىم. وسى جەڭىسكە جەتۋىم ءۇشىن مەنى ۇزدىكسىز جاتتىقتىرعان باپكەرلەرىمە العىس بىلدىرەمىن. ەندىگى ماقسات – ەرەسەكتەر اراسىندا سامبودان الەم شىڭىن باعىندىرۋ, دەگەن داۋرەن تولەگەنوۆ باپكەرلەرىنە جانە «جاس باتىر» سپورت مەكتەبىنە العىسىن جەتكىزدى.
بۇگىن ماڭعىستاۋلىقتار اقتاۋ حالىقارالىق اۋەجايىنان جۋىردا تۋعان جەرىنە جۇلدەمەن ورالعان بوكسشى بەكزات نۇرداۋلەتوۆتىڭ جەڭىستى جولىن جالعاستىرىپ, اۋىلىنا التىنمەن ورالىپ, ەل مەرەيىن اسقاقتاتقان پالۋان ۇلى داۋرەن تولەگەنوۆتى قۋانا قارسى الۋعا دايىندالۋدا.
