گەرمانيانىڭ حەرنە قالاسىندا دۇنيەگە كەلگەن بەرند شتورك سەكسەنىنشى جىلدارى «بوحۋم» جانە دورتمۋندتىڭ «بورۋسسيا» كلۋبتارىندا وينادى. امپلۋاسى – قورعاۋشى. كەيىننەن ءوز ەلىندەگى بىرقاتار كلۋبتاردا باس باپكەردىڭ كومەكشىسى بولدى. 2008-2011 جىلدار ارالىعىندا قازاقستاندا قىزمەت ەتىپ, «الماتى» مەن «تسەسنا» كلۋبتارىن, قازاقستاننىڭ جاستار (U-19, U-21) جانە ۇلتتىق قۇراما كوماندالارىن جاتتىقتىردى.
2015-2017 جىلدارى ۆەنگريانىڭ باس كومانداسىنىڭ تىزگىنىن ۇستادى. بۇل رەتتە شتوركتىڭ باعى جاندى. ايتۋلى ماماننىڭ جەتەكشىلىگىمەن ماجارستاننىڭ فۋتبولشىلارى 44 جىلعا سوزىلعان ۇزىلىستەن كەيىن ەۋروپا چەمپيوناتىنىڭ جولداماسىنا يەلىك ەتتى. بىلتىر ول «مۋسكرون-پەريۋۆەلز» كلۋبىن باپتادى. مىنە, ەندى بەرند شتورك «سەركل بريۋگگەنىڭ» باس باپكەرى بولىپ تاعايىندالدى.
