رۋحانيات • 14 قازان، 2019

«وتىرار سازى» وركەستىرىنىڭ جاڭا ماۋسىمى اشىلادى

83 رەتكورسەتىلدى

18 قازاندا جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا حالىق قاhارمانى، كسرو حالىق ءارتىسى، مەملەكەتتىك سىيلىقتىڭ لاۋرەاتى ن.تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترىنىڭ جاڭا كونتسەرتتىك ماۋسىمىنىڭ شىمىلدىعى اشىلادى.

اسا دارىندى كۇي ونەرىنىڭ شەبەرى، مۋزىكا ونەرىندە قايتالانباس ءىز قالدىرعان كومپوزيتور نۇرعيسا اتاباي ۇلى تىلەنديەۆ ۇجىم الدىنا بيىك ماقساتتار قويىپ، وركەستردى ءىرى درامالىق ويلاردى جەتكىزە الاتىن، مۇمكىندىگى كەڭ ۇجىم قاتارىنا كوتەرگەن ەدى.  بۇگىندە وركەسترگە ن.تىلەنديەۆتىڭ قىزى، قر ەڭبەك سىڭىرگەن قايراتكەرى  ءدىنزۋحرا تىلەنديەۆا جەتەكشىلىك ەتەدى. قازاق ۇلتتىق مۋزىكا اسپاپتارىنىڭ اسا باي جيناعىمەن تانىستىرۋعا مۇمكىندىك بەرەتىن ن.تىلەنديەۆ اتىنداعى وركەستردىڭ باس ديريجەرى د.تىلەنديەۆا اكە جولىن جالعاپ قانا قويماي، ۇجىم ونەرىنىڭ جاڭا بەلەسىن زاماناۋي مۋزىكا تالابىنا وراي رەپەرتۋارىن بايىتىپ، جەتىلدىرە ءبىلدى. كونتسەرتتە قازاقستاننىڭ ەڭبەك سىڭىرگەن قايراتكەرلەرى ءمۇسىلىم امزە مەن جالعاسبەك بەگەندىكوۆ تە ديريجەرلىك جاسايدى. كونتسەرتتە قازاقستان كومپوزيتورلارىنىڭ شىعارمالارى ورىندالىپ، قازاقستاننىڭ ەڭبەك سىڭىرگەن قايراتكەرى گۇلزات داۋىراەۆا، حالىقارالىق بايقاۋلارلاردىڭ لاۋرەاتى فارحات كۋبيەۆ، نۇرجان جانپەيىسوۆ، نۇرسۇلتان شاتىرحان ۇلى، ولەگ تاتاميروۆ، اسەم اۋباكىروۆا، ابىلقايىر بەيسەكوۆ ونەر كورسەتەدى.

«وتىرار سازى» وركەسترىندە بايىرعى قازاق اسپاپتارى – دومبىرا مەن قوبىزدان باسقا دا، جەتىگەن، شەرتەر، شاڭقوبىز، مەسقوبىز، سىرناي مەن سازسىرناي، سىبىزعى، سونداي-اق ۇرمالى اسپاپتار – اساتاياق، داۋىلپاز، تۇياقتاس، قوڭىراۋ، قايراق ءۇن قاتادى. وسىنداي دىبىستاردىڭ الۋان تۇرلىلىگى وركەسترگە ۇلتتىق فولكلوردىڭ باي ءتولتۋما ۇلگىلەرىن كەڭىنەن كورسەتۋگە مۇمكىندىك بەرەدى.

وركەستر قازاقستان قالالارىندا عانا ەمەس، سونىمەن قاتار الىس-جاقىن شەت ەلدەردە – يراكتا، ماروككودا، ۆەتنامدا، سولتۇستىك كورەيادا، گەرمانيادا، يسپانيادا، تۇركيادا، ساۋد اراۆياسىندا، يوردانيادا، فرانتسيا  جانە باسقا دا كوپتەگەن ەلدەردە گاسترولدىك ساپاردا بولىپ، كونتسەرتتەر بەردى.

 

الماتى

 

سوڭعى جاڭالىقتار

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ءونىم مەن ءوسىم ەسەلەندى

ايماقتار • بۇگىن، 07:18

تارتىمدىلىق تەرەڭدەي تۇسپەك

ايماقتار • بۇگىن، 07:16

ۇلكەن ءومىر جولىنىڭ كەزەڭدەرى

ەكونوميكا • بۇگىن، 07:13

شاردارا گەس-ءى تولىق جاڭعىرادى

ەكونوميكا • بۇگىن، 07:05

ناگرادالار تاپسىرىلدى

قوعام • بۇگىن، 06:57

قۇشاعى كەڭ، جۇرەگى جۇمساق

رۋحانيات • بۇگىن، 06:49

سالتاناتتى ءىس-شاراعا قاتىستى

پرەزيدەنت • بۇگىن، 06:37

ۇقساس جاڭالىقتار