قازاقستان • 11 قازان، 2019

ۇلتتىق بانك قارجى نارىعىن تۇراقتاندىرۋى ءتيىس

50 رەتكورسەتىلدى

بۇگىن ۇلتتىق بانكتەگىلەر تەڭگەنىڭ قۇنسىزدانۋىنا مۇناي باعاسىنىڭ ءتۇسۋى سەبەپ بولعانىن مويىندادى.بىراق  دەۆالۆاتسيا بولادى دەپ قاۋىپتەنۋدىڭ قاجەتى جوق دەپ جان-جاعىن سابىرعا شاقىردى.   

ۇلتتىق بانك ءتول اقشامىزدىڭ قۇنسىزدانۋىنا ادەتتەگىدەي مۇناي باعاسى سەبەپ دەۋدەن جاباررەلى ڭىلماي وتىر. ويتكەنى «قارا التىننىڭ» قۇنى سوڭعى كۇندەرى شامامەن 10 دوللارعا ارزانداپ، باررەلى 61 دوللاردان ساتىلىپ جاتىر. دەسە دە، ۇلتتىق بانك تەڭگەنىڭ شامادان تىس ارزانداپ كەتۋىنە جول بەرمەيمىز دەپ سەندىرىپ وتىر.

ۆاليۋتامىزعا قاۋىپ تونسە،ۇلتتىق بانك ۆاليۋتالىق ينتەرۆەنتسيا جاساۋعا قۇقىلى ەكەنىن، ينتەرۆەنتسيانىڭ ىقپالى تەڭگەنىڭ جاعدايىن جارتى جىلعا عانا جاقسارتا الاتىنىن بىلەمىز. ال،تەڭگەنى السىرەتكەن مۇناي باعاسىنىڭ ارزانداۋىنا نە سەبەپ؟

ساراپشىلار بۇعان امەريكانى كىنالاپ وتىر. ايتۋلارىنشا، نارىقتى جاۋلاۋ ءۇشىن اق ءۇي مۇناي ەكسپورتتاۋشى يران، ۆەنەسۋەلا سياقتى ەلدەرگە سانكتسيا سالىپ، ءوزى «قارا التىندى» شامادان تىس ءوندىرىپ جاتىر. ءتىپتى، ارتىق قور جينالىپ، باعا قۇلدىراپ كەتكەن. بۇلاي جالعاسا بەرسە، تەڭگە ءالى دە السىرەۋى مۇمكىن.

قىركۇيەك ايىندا ۇزاق ۇزىلىستەن كەيىن قازاقستان رەسپۋبليكاسىنىڭ ۇلتتىق بانكى اقىرى جاعىمدى توسىن سىي جاسادى. ونىڭ ۆاليۋتا اكتيۆتەرى بىردەن 1 ميلليارد 188 ميلليون دوللارعا (12%) ءوستى. بۇل ايقىن پروگرەسس. بىراق ساراپشىلار ءالى قۋانۋعا ەرتە دەپ وتىر.    شىنىندا دا، وسى بەلگى بويىنشا (10 ميلليارد 783 ميلليون دوللار) بۇل اكتيۆتەر سوڭعى رەت 2006 جىلدىڭ كوكتەمىندە، ياعني 13،5 جىل بۇرىن بولعان. اعىمداعى جىلعا كەلەتىن بولساق، بۇل اي سايىنعى ەڭ تومەنگى ءۇشىنشى ناتيجە.كوپ كوڭىلىندە دوللار باعاسىنىڭ  ءوسۋىن توقتاتقانمەن، التىننان ۇتىلىپ قالدىق پا  دەگەن كۇمان تۇر. سەبەبى باس رەتتەۋشى ءوزىنىڭ ۆاليۋتا اكتيۆتەرىن قاي كوزدەردەن تولىقتىرۋعا بولاتىندىعىن  نەمەسە تولىقتىرىپ ۇلگىرگەنىن ءالى تۇسىندىرگەن جوق. وسى جولى   ۇلتتىق بانك جاسىرىن شەشىم قابىلداماعاندا قيىن  جاعدايعا دۋشار بولاتىن ەدى. التىننىڭ قورى قىركۇيەك ايىندا 18 ملرد 54 ملن دوللارعا دەيىن تومەندەدى (3،1%). ۆاليۋتالىق اكتيۆتەردىڭ قارقىندى وسۋىنە بايلانىستى ۇلتتىق بانكتىڭ التىن رەزەرۆتەرىنىڭ جالپى كولەمى قىركۇيەك ايىندا 2،1% -عا ارتتى.

سونداي-اق سوڭعى جىلدارى العاش رەت ۇلتتىق بانك التىن رەزەرۆتەرى مەن رەسەيدىڭ ورتالىق بانكى قۇرامداس بولىكتەرىنىڭ وزگەرۋىنىڭ سينحروندى ديناميكاسىن جاساعانى بايقالادى.  اقشالى التىننىڭ سوڭعىسى قىركۇيەكتە 1،5% -عا تومەندەدى، ءابسوليۋتتى تۇردە - 1 ملرد. 631 ملن.

ۇلتتىق بانك سياقتى، بۇل شىعىندار ۆاليۋتالىق رەزەرۆتىڭ 0،8% -عا نەمەسە 3 ملرد 471 ملن دوللارعا وسۋىمەن وتەلدى، ناتيجەسىندە رەسەيدىڭ حالىقارالىق رەزەرۆتەرى كۇزدىڭ العاشقى ايىندا 0،3% -عا ارتىپ، $ 530 ملرد 923 ملن بولدى.

نۇر-سۇلتان، الماتى اقشا ايىرباستاۋ پۋنكتتەرىندەگى مالىمەتتەر بويىنشا دوللار باعاسى قىمباتتادى. ۇلتتىق بانكتىڭ قازىرگى ۇستانىمى تومەندەگىدەي:  «ەلدەگى باعا تۇراقتىلىعىن قامتاماسىز ەتۋ  ۇلتتىق بانكتىڭ نەگىزگى باسىم مىندەتى بولىپ قالۋدا. 2019-2021 جىلدارعا ينفلياتسيانىڭ نىسانالى ءدالىزى 4-6 پايىز اۋقىمىندا بەلگىلەنگەن. قىركۇيەك ايىنىڭ قورىتىندىسى بويىنشا جىلدىق ينفلياتسيا 5،3 پايىز دەڭگەيىندە بولدى. جەمىس پەن كوكونىس باعاسىنىڭ ماۋسىمدىق تومەندەۋىنە قاراماستان دەفلياتسيالىق پروتسەستەر بايقالمادى. ازىق-ت ۇلىك تاۋارلارىنىڭ باعاسى جىلدىق ماندە 9،1 پايىزعا ءوسىپ، ينفلياتسياعا بارىنشا كوپ ۇلەس قوسۋىن جالعاستىرۋدا»،  دەدى ەسجان ءبىرتانوۆ بۇگىن الماتىدا جۋرناليستەرمەن كەزدەسكەن كەزدە.  . 

ءبىرتانوۆتىڭ ايتۋىنشا،بيۋدجەتتىك الەۋمەتتىك شىعىستاردىڭ ءوسۋى نەگىزگى پروينفلياتسيالىق فاكتور بولىپ تابىلادى. ونىڭ ينفلياتسياعا قوسقان ۇلەسى 0،5 پايىزدىق تارماققا باعالانادى. باسقا فاكتورلاردىڭ ىشىندە ازىق-ت ۇلىككە الەمدىك باعانىڭ جوعارىلاۋىن، ىسكەرلىك بەلسەندىلىكتىڭ ءوسۋىن جانە تولەم بالانسىنىڭ اعىمداعى شوتىنىڭ ناشارلاۋىن اتاپ وتۋگە بولادى.

ء«بىزدىڭ باعالاۋىمىزشا، ينفلياتسيا بيىلعى جىلدىڭ قورىتىندىسى بويىنشا نىسانالى ءدالىزدىڭ جوعارى شەكاراسىنا جاقىن – 5،7-5،8 پايىز دەڭگەيىندە قالىپتاساتىن بولادى. ينفلياتسيا بويىنشا ماقساتتى باعدارعا قول جەتكىزۋ جانە تەڭگەلىك اكتيۆتەرگە سۇرانىستى ارتتىرۋ ءۇشىن 9 قىركۇيەكتە ۇلتتىق بانك بازالىق مولشەرلەمەنى 9-دان 9،25 پايىزعا دەيىن كوتەردى»،  دەدى ۇب توراعاسىنىڭ ورىنباسارى.

تاۋەلسىز قارجىگەر ەسەت بۋتين اقشا ايىرباستاۋ پۋنكتەرى شەكتى دالىزدەن جوعارى باعادا ساتقانىن بايقاعانىن ايتادى.

«تەڭگە باعامىن ۇسىنىس پەن سۇرانىس انىقتايدى. سوندىقتان الىپ-ساتارلاردىڭ ءرولى باسىم. باس بانك ادەتتەگىدەي قول قۋسىرىپ وتىر. ينتەرۆەنتسيا جاسادى. بىراق ونىڭ پايداسى شامالى بولىپ تۇر. جىل سوڭىنا دەيىن دوللاردىڭ وسەتىنى انىق. سىرتقى فاكتورلاردىڭ اسەرىنەن، اقش دوللارى     400 تەڭگەدەن اسىپ جىعىلۋى مۇمكىن» دەيدى ول بىزبەن اڭگىمەسىندە.

وسى رەتتە ساراپشىلاردىڭ پىكىرى ەكىگە ءبولىنىپ وتىر. ەكىنشى توپ دوللار 387-390-عا دەيىن بارۋى مۇمكىن، بىراق  400-دەن ءارى اسپايدى دەگەن ويعا باسىمدىق بەرەدى.   جاعداي ۋشىعار بولسا،بيۋدجەتىن مۇنايدان تۇسكەن پايدامەن جاۋىپ وتىرعان قازاقستان تىعىرىققا تىرەلۋى مۇمكىن ەكەنى ايدان انىق.سوندىقتان، الداعى بىرەر اپتادان سوڭ ۇكىمەت تاعى ۇلتتىق قورعا اۋىز اشۋعا ءماجبۇر بولادى دەيدى ساراپشىلار.

ءتول اقشامىز دوللارعا شاققاندا 400 تەڭگەگە ارزانداسا، ۇلتتىق بانك ينتەرۆەنتسيا جاساپ، قارجى نارىعىن تۇراقتاندىرۋى ءتيىس جانە جاعدايمەن حالىقتى حاباردار ەتۋى ءتيىس.

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار