بۇگىن, 11 قازاندا كەزەكتى رەت الماتى قالاسىنداعى «سۇڭقار» تالىمباعىندا وسىرىلگەن بۇركىت بالاپاندارى جابايى تابيعاتقا جىبەرىلدى.
بۇركىت بالاپاندارىن ءوسىرىپ, كەيىن ولاردى جابايى تابيعات اياسىنا جىبەرۋگە ارنالعان الەۋمەتتىك جوبا ء«وز ۇلەسىڭدى قوس. تابيعاتتى ساقتاپ قال» اتتى بۇركىتتەردى قورعاۋ باعدارلاماسى اياسىندا «ەفەس قازاقستان» شس اق-نىڭ قارجىلىق قولداۋىمەن 2012 جىلى باستالعان بولاتىن.
سوڭعى جىلدار ىشىندە تالىمباقتا 25 بۇركىت بالاپانى وسىرىلگەن. ولار جابايى تابيعاتتا ءومىر سۇرۋگە ۇيرەتىلىپ, ارنايى تور قورشاۋلاردا جاتتىقتىرىلادى: ناتيجەسىندە ءوز بەتىمەن ازىعىن تابۋعا ۇيرەندى. بۇل جولى ەركىندىككە تاعى 4 جاس بۇركىت جىبەرىلەدى.
وسىلايشا سوڭعى 7 جىل ىشىندە باعدارلاما اياسىندا ءوسىرىلىپ, ەركىندىككە جىبەرىلگەن جاس بۇركىتتەردىڭ جالپى سانى 29-عا جەتپەك, باعدارلامانىڭ ەندى ىسكە قوسىلعان 2012 جىلىمەن سالىستىرعاندا بۇل الماتى وبلىسىندا بولعان بۇركىت سانىنان 3 ەسەگە كوپ.
بيىل بالاپانداردىڭ ارقايسىسى بولەك جەردە ەركىندىككە شىعارىلىپ, ولاردىڭ اقايسىسىنا ارنايى كۇن جۇمسالادى.
«ەفەس قازاقستان 7 جىلدان بەرى جويىلىپ كەتۋگە شاق تۇرعان ەلىمىزدىڭ ۇلتتىق نىشانىن امان ساقتاپ قالۋعا ارنالعان جوبانى قولداپ كەلەدى. ءبىز جوبانىڭ تابىستى تۇردە جۇزەگە اسىلىرىپ, ناتيجە بەرىپ جاتقاندىعىنا قۋانىشتىمىز. بيىل «سۇڭقار» تالىمباعىمەن بىرلەسە ۇيىمداستىرعان ەكسپەديتسيا كورسەتكەندەي, وسى ەڭبەگىمىزدىڭ ارقاسىندا ۇلكەن جانە كىشى بۇعىتى اۋماعىنداعى بۇركىت پوپۋلياتسياسى ءۇش ەسەگە دەيىن ۇلعايدى. تاعى 4 بالاپاندى تابيعات اياسىنا جىبەرۋ ارقاسىندا ولاردىڭ جالپى سانى 4 ەسەگە ارتپاق. بولاشاقتا ءبىز بۇل جوبانى ۇلتتىق دەڭگەيگە شىعارۋدى جوسپارلاپ وتىرمىز», – دەپ اتاپ ءوتتى «ەفەس قازاقستان» شس اق كورپوراتيۆتىك قاتىناستار جونىندەگى ديرەكتورى شىڭعىس قاسكەەۆ.
