ايماقتار • 11 قازان، 2019

الماتىلىق ستۋدەنتتەرگە جەمقورلىقپەن كۇرەسۋ جولدارى ءتۇسىندىرىلدى

57 رەتكورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتتەرى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ «Sanaly urpaq» رەسپۋبليكالىق جوبالىق كەڭسەسىنىڭ باسشىسى قايىرجان توكۋشەۆپەن كەزدەستى، دەپ حابارلايدى وقۋ ورنىنىڭ ءباسپاسوز قىزمەتى.

جيىندا قايىرجان توكۋشەۆ جوبالىق كەڭسەنىڭ نەگىزگى قىزمەتىمەن تانىستىرىپ، ونى جوعارى وقۋ ورىندارىندا اشۋداعى ماقساتى مەن مىندەتىن ايتتى.

– ۇرپاق تاربيەسى ەڭ الدىمەن مەكتەپ پەن ۋنيۆەرسيتەت قابىرعاسىندا قالىپتاسادى. تۋراسىن ايتقاندا، بالانىڭ دۇنيەتانىمىنىڭ، ومىرگە دەگەن كوزقاراسىنىڭ، قوعاممەن قارىم-قاتىناسىنىڭ باستاۋىندا اتا-اناسى مەن ۇستازدارى ۇلكەن ءرول اتقارادى. سوندىقتان جاستار تاربيەسىنە ءبارىمىز جاۋاپتىمىز. كەز كەلگەن وقۋ ورنى ءۇشىن ساپالى ءبىلىم ءبىرىنشى كەزەكتە تۇرۋى ءتيىس. مىندەتىمىز – قوعامنىڭ جەگى قۇرتىنا اينالعان سىبايلاس جەمقورلىققا قارسى الدىن الۋ شارالارىن جۇرگىزۋ، ورتاق ءادىس-تاسىلدەردى ەنگىزىپ، جاستارمەن جان-جاقتى جۇمىس جاساۋ. سونىمەن قاتار ەلىمىزدىڭ ءبىلىم بەرۋ جۇيەسى ارقىلى جەمقورلىققا قارسى مۇلدەم توزبەۋشىلىكتى جالپىعا ورتاق قالىپتاستىرۋدىڭ ەڭ ۇزدىك تاجىريبەسى ەكەنىن كورسەتىپ جانە ودان باس تارتۋ ورتاسىن ەنگىزۋ باستى ماقساتىمىز، – دەدى قايىرجان توكۋشەۆ.

كەزدەسۋ بارىسىندا قىزدار ۋنيۆەرسيتەتىنىڭ 100 ستۋدەنتى «Sanaly urpaq» رەسپۋبليكالىق جوبالىق كلۋبىنا مۇشەلىككە قابىلداندى.

باسقوسۋدى وقۋ ورنىنىڭ الەۋمەتتىك دامۋ جونىندەگى پرورەكتورى مىندەتىن اتقارۋشى جاڭاگۇل سۇلتانوۆا قورىتىندىلاپ، ۋنيۆەرسيتەتتە سىبايلاس جەمقورلىقپەن كۇرەس باعىتىندا اتقارىلىپ جاتقان جۇمىستارعا توقتالىپ ءوتتى.

ونىڭ ايتۋىنشا، بۇگىندە ستۋدەنتتەر اراسىندا «پاراسىز سەسسيا»، «تازا سەسسيا»، «ادال جول»، اكتسيالارى تۇراقتى تۇردە ۇيىمداستىرىلىپ، «سىبايلاس جەمقورلىقتىڭ الدىن الۋ» تاقىرىبىنداعى سەمينارلار وتەدى. سونداي-اق ۋنيۆەرسيتەتتىڭ تاربيە، وقۋ جانە عىلىم ۇدەرىسىندە ادەپتىلىك قاعيدالارىن ساقتاۋ باستى نازارعا الىنعان. بۇل تۇرعىدا «سىبايلاس جەمقورلىققا قارسى مادەنيەت نەگىزدەرى» اتتى ءپان وقۋ باعدارلاماسىنا ەنگىزىلدى. اتالعان ءپان ستۋدەنتتەردىڭ سانالى تۇردە جانە ادامگەرشىلىكپەن سىبايلاس جەمقورلىققا قارسى مادەنيەت دەڭگەيىن قالىپتاستىرادى.

ساپار اياسىندا قايىرجان توكۋشەۆ ستۋدەنتتەردىڭ ءوزىن-ءوزى باسقارۋ جانە دەمالىس ايماعىنىڭ قىزمەتىمەن تانىستى. وقۋ ورنىنىڭ باس عيماراتىنىڭ بازاسىندا جاقىندا اشىلعان بۇل ورتالىقتا بىلىمگەرلەر وزدەرىن جان-جاقتى دامىتىپ، قوعامدىق بەلسەندىلىگىن ارتتىرۋعا مۇمكىندىك الماق. سونداي-اق ءتۇرلى باستامالار مەن جوبالاردى ءوزارا تالقىلاپ، ىسكە اسىرۋدى تالقىلايدى.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار