حوككەي • 10 قازان، 2019

«بارىس» ۋفادا جەڭىسكە جەتتى

35 رەتكورسەتىلدى

قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» كەزەكتى تۋر ويىنىن ۋفادا وتكىزىپ، جەرگىلىكتى «سالاۆات يۋلاەۆقا» سان سوقتىردى.

ايتۋلى باسەكەدە اسا كوپ گول سوعىلماعانىمەن، ويىن وتە تارتىستى ءوتتى. ءبىرىنشى كەزەڭنىڭ 12-مينۋتىندا ەريك تانرەيديدىڭ بەرگەن پاسىن داررەن ديتس قاقپاعا ءدال ءتۇسىردى. ۇزىلىستەن كەيىن ايدىن يەلەرى تارازى باسىن تەڭەستىردى. دەسەك تە ءۇشىنشى كەزەڭدە قارقىنىن كۇشەيتكەن قازاقستاندىق كوماندا جەڭىس شايباسىن سوقتى. بۇل گولدىڭ اۆتورى – كەرتيس ۆولك. ەسەپ – 2:1.

وسى كۇنگە دەيىن 14 كەزدەسۋ وتكىزگەن «بارىس» تۇراقتى بىرىنشىلىكتىڭ جارىس كەستەسىندە بەسىنشى ورىندا كەلەدى. جەرلەستەرىمىزدىڭ قورجىنىندا 20 ۇپاي بار. سونىمەن قاتار، نۇر-سۇلتاننىڭ حوككەيشىلەرى چەرنىشەۆ ديۆيزيونىندا كوش باستادى. ەرتەڭ ولار ءنوۆوسىبىر قالاسىندا جەرگىلىكتى «سيبير» كلۋبىنا قارسى وينايدى. 

 

 

سوڭعى جاڭالىقتار

ۇقساس جاڭالىقتار