قازاقستان • 09 قازان، 2019

الماتىداعى بارلىق اۋلاعا ەنەرگيا جيناقتاۋشى جارىق ديودتى شامدار ورناتىلادى

22 رەتكورسەتىلدى

بۇل تۋرالى قالالىق ەنەرگوتيىمدىلىك جانە ينفراقۇرىلىمدىلىق باسقارماسىنىڭ باسشىسى اسەت ماساباەۆ  جۋرناليستەرمەن كەزدەسكەن كەزدە ايتتى.

ەنەرگيا جيناقتاۋشى جارىق ديودتى شامدار   ەلەكتر ەنەرگياسىن 15 پايىزعا ۇنەمدەۋگە سەپتىگىن تيگىزەدى. قالا اكىمى باقىتجان ساعىنتاەۆتىڭ تاپسىرماسىنا سايكەس، قازىر الماتىنىڭ 120 كوشەسىنە جارىق بەرىلدى، ال جىل اياعىنا دەيىن 208 كوشەگە جارىق شامدارىن ورناتۋ جوسپارلانعان. نەگىزىنەن جارىق جەلىلەرى بوستاندىق، جەتىسۋ، تۇركسىب، الاتاۋ اۋداندارىنداعى بۇرىن جارىعى بولماعان كوشەلەرگە تارتىلادى.

بۇل قالانىڭ قاراڭعى كوشەلەرىنىڭ 30% جارىقتاندىرۋعا مۇمكىندىك بەرەدى.

سونداي-اق اسەت ماساباەۆ وزەكتى ماسەلەلەر رەتىندە  كوشە باعدارشامدارى، سۋ جەلىلەرى، گاز جەلىلەرى، يەسىز قالعان جەلىلەردىڭ كانالدىق جۇيەگە وتكىزۋ كەرەكتىگىنە توقتالىپ ءوتتى. وسى ۋاقىتتا 208 كوشەگە كونكۋرستىق پروتسەدۋراعا بايلانىستى تامىز ايىندا كەلىسىم شارتقا قول قويىلعان. بۇل باعىتتا قازىرگى تاڭدا كوشە باعدارشام ىلەتىن، كابەلدىك جەلىلەر ەنگىزۋ  باعىتى بويىنشا  جۇمىستار اياقتالىپتى.

الماتىدا قازىر جارىعى جوق 1073 كوشە بار.

قالانىڭ شەت ايماقتارىنداعى 744 كوشەنى جارىقتاندىرۋ بويىنشا جوبالىق-سمەتالىق قۇجاتتار دايىندالۋدا.

وسى رەتتە، اسەت ماساباەۆ  2014 جىلى الماتىنىڭ شەتكى اۋداندارىنا تۇركسىب، الاتاۋ، جەتىسۋ، ناۋرىزباي اۋداندارى قوسىمشا تاۋ بوكتەرىنەن بوستاندىق، مەدەۋ اۋداندارى بويىنشا جەر تەلىمدەرى قوسىلعانىن ەسكە سالىپ ءوتتى. بۇدان بولەك، باقىتجان ءابدىر ۇلىنىڭ تاپسىرماسىنا سايكەس، مۇلدەم جارىق جوق 1000 ۇساق كوشە،  887 اۋلا بار، كەلەسى جىلدىڭ اياعىنا دەيىن سولاردى جارىقتاندىرۋ جوسپاردا تۇر.

ەسكە سالايىق، 16 شىلدەدە وتكەن كوشەلەردى جارىقتاندىرۋ بويىنشا ارنايى جينالىستا باقىتجان ساعىنتاەۆ قالادا اۋلالاردىڭ 52% جانە 26% كوشەلەر جارىقتاندىرىلماعانىن ايتىپ وتكەن بولاتىن.

وسى رەتتە اكىمنىڭ تاپسىرماسى بويىنشا جۇمىستىڭ باسىمدىقتارىن وزگەرتىپ، بارلىق قاراجاتتى بۇرىن ەشقاشان جارىقتاندىرىلماعىن كوشەلەر مەن اۋلالارعا باعىتتادى. بۇل جۇمىستار «جاڭا الماتى» دامۋ پرينتسيپىنە سايكەس جاسالۋدا.

سوڭعى جاڭالىقتار

ۇقساس جاڭالىقتار