ەكونوميكا • 09 قازان، 2019

قازاق تەڭگەسى تاعى دا تەربەلە باستادى

93 رەت كورسەتىلدى

الەۋمەت قانداي شەشىم قابىلدارىن بىلمەي الاڭداپ وتىر. تۇتىنۋ تاۋارلارىنىڭ قۇنى دوللاردىڭ وسۋىمەن ىلەسە جۇرەتىنى انىق. ىلە-شالا كوممۋنالدىق قىزمەت تۇرلەرى دە وسەدى.

«قىمباتشىلىق تاعى جايلاي ما؟» دەگەن سۇراق قازىر ترەندتەن ءتۇسىپ قالدى: كۇن تارتىبىندە –دەۆالۆاتسيا. اقش-تىڭ  فەدەرالدى رەزەرۆ جۇيەسى پايىزدىق مولشەرلەمەسى 2019 جىلى 3،1%، 2020 جىلى 3،4 پايىز­عا كوتەرىلەدى دەگەن بولجام بار.

 قارا التىن نارىعىندا دا جاعداي تۇراقسىز. قازاقستان قور بيرجاسىندا (KASE) ساۋدا-ساتتىق جانە ۆاليۋتالىق سۆوپ وپەراتسيالارى كۇنى اقش دوللارىنا، ەۋروعا جانە رەسەي رۋبلىنە قاتىستى ەسەپتەسۋلەرىمەن ۆاليۋتا نارىعىنداعى ساۋدا-ساتتىق جابىلدى. دوللاردىڭ ورتاشا سارالانعان باعامى 389،50 تەڭگەنى (+0،46) قۇرادى. ەۋرونىڭ ورتاشا الىنعان باعامى 427،70 تەڭگەنى (+0،67)، ساۋدا كولەمى 100 مىڭ ەۋرونى قۇرادى.

رەسەي ءرۋبلىنىڭ ورتاشا الىنعان باعامى 6،0040 تەڭگە (-0،0106)، ساۋدا كولەمى - 16 ميلليون رۋبل.

ايىرباس پۋنكتتەرىندە اقش دوللاردىڭ باعامى 389،7-392 تەڭگە، ەۆرو - 428،1-430،1 تەڭگە، رەسەي ءرۋبلى - 6-6،05 تەڭگە.

ساۋدا-ساتتىققا KASE 9 مۇشەسى قاتىستى.

اقشا ايىرباستاۋ پۋنكتتەرىندە ءبىر دوللار 393  تەڭگەگە ساتىلىپ جاتىر. 8  تامىزدا دا وسى كورسەتكىش تىركەلگەن ەدى.  KASE قور بيرجاسىنىڭ ساۋداسىندا ۇلتتىق ۆاليۋتانىڭ دوللارعا شاققانداعى باعامى 388،38 تەڭگەگە تەڭ بولدى. 30 قىركۇيەكتە ءبىر دوللار - 387،99 تەڭگە بولعان ەدى.  1 قازاندا تاڭعى ساۋدانىڭ ءبىرىنشى كەلىسىمى 388،3 تەڭگەمەن وتتى جانە وسى مينيمالدىق قۇنى بولدى، ال ماكسيمالدىق قۇنى - 388،48 تەڭگە. ساۋدانىڭ جالپى كولەمى 525،75 ميلليون دوللارعا جەتتى.

«امەريكا قۇراما شتاتتارى الداعى ايلاردا مۇناي باعاسىنىڭ تومەندەۋىن كۇتۋدە»، دەپ حابارلادى اقش ەنەرگەتيكا مينيسترلىگىنىڭ ەنەرگەتيكالىق اكىمشىلىگىنىڭ (EIA) ايلىق ەسەبىندە.

EIA   2019 جىلدىڭ 4-ءشى توقسانىندا ءبىر باررەل ءۇشىن ورتاشا ەسەپپەن 59 دوللاردى قۇرايدى، سودان كەيىن 2020 جىلدىڭ 2-ءشى توقسانىندا باررەلىنە 57 دوللارعا دەيىن تۇسەدى دەپ بولجاپ وتىر. بۇل ءبىر اي بۇرىن جاسالعان بولجامنان 5 دوللارعا تومەن.

«مۇناي جەتكىزىلىمىندەگى سوڭعى ۇزىلىستەرگە قاراماستان، EIA الداعى ايلاردا مۇناي باعاسىنىڭ تومەندەيدى دەپ بولجاپ وتىر. سەبەبى  الەمدىك رەزەرۆتەر 2020 جىلدىڭ ءبىرىنشى جارتىسىندا وسەدى»، دەپ جازادى اگەنتتىك.

قازان ايىنىڭ باسىندا مۇناي باعاسىنا  ساۋد ارابياسىنىڭ نىساندارىنا شابۋىل جاساۋى اسەر ەتتى. مۇنىڭ اسەرىنىڭ  قاشانعا دەيىن سوزىلاتىنى بەلگىسىز»،  دەلىنگەن حابارلامادا.
 EIA ءساراپشىلاردىڭ تۇسىندىرۋىنشە، 2020 جىلى سۇيىق كومىرسۋتەكتەردىڭ عالامدىق قورى OPEK قۇرامىنا كىرمەيتىن ەلدەردەن جەتكىزىلىمدەردىڭ ءوسۋى ناتيجەسىندە ورتاشا ەسەپپەن كۇنىنە 0،3 ملن باررەلگە وسەدى. بۇل سۇيىق كومىرسۋتەكتەرگە الەمدىك سۇرانىستىڭ وسۋىنە سەبەپ بولادى.  الەمدىك مۇناي قورى، اتاپ ايتقاندا، 2020 جىلدىڭ ءبىرىنشى جارتىجىلدىعىندا تاۋلىگىنە 0،5 ملن باررەلگە وسەدى، بۇل  فاكتور دا مۇناي باعاسىنىڭ تومەندەۋىنە اسەر ەتەدى.  ساراپشىلار قارجى، مۇناي نارىعىنداعى جاعداي ءالى تالاي قۇبىلاتىنىن ايتىپ وتىر. سوندىقتان قاراپايىم حالىققا اقشا ايىرباستاۋ ورىندارىنا جۇگىرمەي، ءسال سابىر ساقتاۋىن سۇرايدى. سەبەبى، دوللارعا دەگەن سۇرانىستىڭ ارتۋى دا ۇلتتىق ۆاليۋتاعا كەرى اسەرىن تيگىزبەك.

سوڭعى جاڭالىقتار

ۇقساس جاڭالىقتار