سپورت • 09 قازان، 2019

ءجۇزۋ: العاشقى قوس كەزەڭ قىتايدا وتەدى

36 رەتكورسەتىلدى

كۇنى كەشە حالىقارالىق سۋ سپورتى تۇرلەرى فەدەراتسياسى (FINA)«Champions Swim Series-2020» جارىسىنىڭ كەستەسىن جاريا ەتتى.

بىلتىرعى جىلى عانا قولعا الىنعان بۇل جوبا كوپشىلىكتىڭ كوڭىلىنەن شىعىپ، ول بىردەن اسا زور بەدەلگە يە بولدى. ايتۋلى تۋرنيرگە ءبىزدىڭ دميتري بالاندين دە قاتىستى.

وليمپيادا چەمپيونى دەگەن اتاعى بار وتانداسىمىز 200 مەترگە براسس ادىسىمەن ءجۇزۋ جانە 4ح100 مەترلىك ارالاس ەستافەتادا باق سىنادى. بۋداپەشتە وتكەن جارىستا بالاندين ەكىنشى ورىن السا، يندياناپوليستە ەكىنشى ساتىعا تابان تىرەدى. گۋانجوۋدا ءتورتىنشى ورىندى قاناعات تۇتتى. دەسەك تە وسى باسەكەدەگى ءوزىنىڭ جوعارى كورسەتكىشىنىڭ ارقاسىندا ول 2020 جىلى توكيودا الاۋى تۇتاناتىن وليمپيا ويىندارىنىڭ جولداماسىنا يەلىك ەتتى.

الداعى ماۋسىمنىڭ العاشقى قوس كەزەڭى قىتايدا وتەدى: 14-15 قاڭتار – گۋانچجوۋ جانە 18-19 قاڭتار – بەيجىڭ. ال وسى جارىستىڭ سوڭعى شەشۋشى كەزەڭى قاي جەردە ۇيىمداستىرالاتىنى ءالى انىقتالعان جوق.    

سوڭعى جاڭالىقتار

ۇقساس جاڭالىقتار